Al sońǵy úlgide jabyqtalǵan sporttyq nysandar halyqtyń salaýatty ómir saltyna bet burýyna birden-bir septigin tigizip jatyr. Oblys boiynsha 3000 sport mekemesi jumys isteidi, onyń basym bóligi aýyldyq okrýgterde. Oblystyq ákimdik otyrysynda dene shynyqtyrý jáne sport basqarmasynyń basshysy Asqar Mojanov baiandaǵandai, memleket menshigindegi sporttyq nysandardyń bári óńir jurtyna qoljetimdi.
– Balalar men jasósipirimder sport mektebiniń bazasy tiimdi qoldanylmaidy, al bilim shańyraqtarynyń sport zaldary tústen keiin bos qalady. Sondyqtan bilim men sport basqarmalary qolda bar barlyq sport bazalaryn paidalana otyryp, jappai mektep sportyn damytýǵa baǵyttalǵan birlesken baǵdarlama jasaýlary tiis. Sonymen qatar, ár mekteptegi sport zalynyń tolymdylyǵy týraly taldaý júrgizý kerek, – dedi aimaq basshysy.
Danial Ahmetov sondai-aq, hokkei qoraptarynyń da qyzmet kestesin tekserýdi tapsyrdy. Olardyń bir kún bos turmaýlary úshin jumys barysyn durys uiymdastyrý qajettigin nyqtady. Budan bólek oblys ákimi voleibol, fýtbol jáne hokkei siiaqty sport túrlerinen jattyqtyrýshylardy júieli túrde úzdiksiz oqytý kerektigin atap ótti.
