«Qazaqstan-Qytai» yntymaqtastyq komitetiniń 12-shi otyrysy aiasynda Qazaqstannyń Qarjy vitse-ministri Dáýren Keńbeiil Qytai Halyq bankiniń, Qytai Eksimbankiniń jáne Aziia infraqurylymdyq investitsiialar bankiniń (AIIB) ókilderimen ekijaqty kezdesýler ótkizdi,- dep habarlaidy Dalanews.kz Qarjy ministrligine silteme jasap.
Qarjy vitse-ministri Qytai Halyq Banki Tóraǵasynyń orynbasary Lý Lei myrzamen kezdesý barysynda halyqaralyq qarjy naryqtaryndaǵy aǵymdaǵy ahýal, ekijaqty qarjylyq yntymaqtastyqty damytý týraly pikir almasty jáne Qytai naryǵynda panda-bondtardy shyǵarý boiynsha ózara is-qimyl týraly ýaǵdalasty.
Dáýren Keńbeiil Qytai Eksimbankiniń vitse-prezidenti Van Kan myrzamen Qazaqstandaǵy investitsiialyq jobalardy qarjylandyrý men iske asyrýdy, onyń ishinde Q.I. Sátbaev atyndaǵy kanaldan Astana qalasyna deiin № 4 sorǵy-súzgi stantsiiasymen sý qubyryn, Almaty qalasyndaǵy metronyń jańa jelilerin salýdy, sondai-aq ótkizý pýnktteriniń kedendik infraqurylymyn jańǵyrtýdy talqylady.
Budan basqa, ekonomikalyq yntymaqtastyqty damytý, Áriptestik týraly negizdemelik kelisimge qol qoiý jáne biýdjettik qoldaý boiynsha jańa baǵdarlamany daiyndaý máseleleri AIIB Bas investitsiialyq direktory Konstantin Limitovskiimen kezdesýde qaraldy.
Kezdesýler qorytyndysy boiynsha Taraptar birlesken jobalardy iske asyrýǵa, áriptestikti odan ári damytýǵa jáne ózara tiimdi maqsattarǵa qol jetkizýge senim bildirdi.
