"Men mas-mediany qazaqstandyq, sheteldik dep bólmeimin. Iá, barlyq BAQ-qa tán kemshilikter bar. Biraq qazaqstandyq jýrnalistika álemdik deńgeige jetkenin atap ótý kerek", - dep málimdedi Abaev.
Aqparat ministri dástúrli jýrnalistikanyń áleýmettik jelilermen básekelesýi taqyrybyna toqtaldy. Onyń aitýynsha, buqaralyq aqparat quraldary bedeldi jáne halyqtyń senimine ie bolýy tiis.
"Búkil álem áleýmettik jelilerde jazylǵan aqparattan góri kásibi jýrnalistikaǵa kóbirek senedi. Jýrnalisterdiń áleýmettik jeli qoldanýshylarynan aiyrmashylyǵy aqparatty jariialaýdan buryn tekseredi", - dep qosty Abaev.
Ministr qazaqstandyq jýrnalistika qoǵamǵa senimdi derekkózderden rastalǵan aqparat taratatynyna senimdi.
