Dáýren Abaev Qazaq-Qyrǵyz shekarasyndaǵy oqiǵaǵa qatysty pikir bildirdi
Ministrdiń aitýynsha, bul aptada Qazaqstan memlekettik shekarasynyń barlyq perimetrleri boiynsha baqylaý kúsheidi. Alaida, Qyrǵyzstan Prezidenti Almazbek Atambaevtyń pikirinen BAQ Qazaqstan men Qyrǵyzstan arasyndaǵy aýmaqqa erekshe mán berip otyr.
– Josparly jumystar júrip jatyr. Qazaqstannyń memlekettik shekarasynyń barlyq perimetrleri boiynsha baqylaý kúsheidi. Buqaralyq aqparat quraldary Atambaevtyń málimdemesinen keiin Qazaqstan men Qyrǵyzstan arasyndaǵy aýmaqqa erekshe mán berip otyr. Meniń bilýimshe prezidenttik sailaýǵa bailanysty mundai qaýipsizdik sharalary ózge de irgeles memlekettermen júrgiziledi. Bul qalypty tájiribe, – dedi ministr.
Dáýren Abaevtyń sózine qaraǵanda Qyrǵyzstanmen shekaradaǵy Qazaqstannyń Shekaralyq qyzmeti adamdardy, kólik quraldaryn, júkter men taýarlardy tekserýdi kúsheitken. Sondai-aq, shekarany kesip ótýge eshqandai shekteýler men tyiymdar salynbaǵan.
– Sońǵy úsh kúnde qyrǵyz tasymaldaýshylarynyń kólik jáne keden zańnamasyn buzý faktileri kóptep baiqaldy. Osylaisha, tekserýden ótken 447 kólik quralynyń arasynan óreskel zań buzǵan 78 avtokólik anyqtaldy. Olardan salmaq gabaritiniń parametrlerin asyrý, kabotajdyq tasymaldar, qazaqstandyq ruqsatnamanyń bolmaýy jáne ózge de zań buzýshylyqtar tabylǵan. Odan bólek, jeti jolaýshylar avtobýsy turaqty jolaýshylar tasymalyna ruqsattyń bolmaýynan aiyp turaǵyna ornalastyryldy. Joǵaryda atalǵan zań buzýshylyqtar úshin jalpy somasy 3 million teńgege ákimshilik aiyppul salyndy, – dedi ministr.
Odan bólek, fotosanitarlyq baqylaýdy kúsheitken sátten bastap, bes zań buzýshylyq anyqtaldy. Jalpy kólemi 25 tonna azyq-túlik qaitarylyp, 68 myń teńge kóleminde aiyppul salynǵan. «Qazaqstan men Qyrǵyzstan shekarasyndaǵy jaǵdai týraly QR Úkimeti el azamattaryna turaqty túrde habar berip otyrady», - dep habarlady ministr. Qyrǵyzstannyń shekara qyzmeti respýblika prezidentin sailaýdy ótkizý jáne oǵan daiyndalý kezinde 2017 jyldyń 10 qazany kúni saǵat 20:00-den bastap Qazaqstan azamattardy jáne kólik quraldaryn ótkizý baqylaýdyń kúsheitilgen rejimine aýysty.
Qyrǵyzstandyq taraptan da shekaralyq baqylaýdan ótýde esh shekteý joq. Sol kúni QR UQK Shekara qyzmeti memlekettik shekaranyń barlyq perimetrleri boiynsha josparly operatsiia júrgizetinderin málimdedi. Shekarany kesip ótýde shekteýler men tyiymdar bolǵan joq, alaida shekaradan ótken jolaýshylardy, kólik quraldaryn, júkter men taýarlardy tekserý kúsheigen. Kelesi kúni QR UQK sailaý kúni jappai tártipsizdikterge daiyndyq týraly qyrǵyz biliginiń málimdemesinen keiin Qazaqstan aýmaǵyna qylmystyq elementterdi kirgizbeý boiynsha qosymsha sharalar qabyldap jatqanyn habarlady. Josparly operatsiia aiasynda QR Shekara qyzmeti ekonomikalyq kontrabanda, shekaralyq rejim men kóshi-qon zańnamasyn buzý jáne oq-dárilerdi tasýǵa árekettený sekildi faktilerdi anyqtady. «Talap» qoldanbaly zertteýler ortalyǵynyń direktory Rahym Oshaqbaev mundai «jaǵymsyz operatsiialardy» júrgizýdiń basty sebebi Qytaidan Qyrǵyzstanǵa tómen baǵamen taýar jetkizip, ony Qazaqstan men Reseige keri eksporttaityn «tásilderimen» kúres dep esepteidi.
Avtor: Aijan Serikjanqyzy
