Bul týraly “Stan.kz” habarlaıdy.
Qyzdar toby 2002 jyldyń sáýir aıynda Star Club-ta ótken qatań irikteýden keıin qurylǵan bolatyn. Al kastıngke kelgen qyzdarǵa mindetti túrde qazaq tilin jetik meńgerý, vokal, hareografıa, sulýlyq syndy talaptar qoıylǵan.
Ádil qazy alqalary uzaq oılana kele Júrgenov akademıasynyń birinshi kýrs stýdenti Asyl Bedelhandy, QazUÝ bıologıa fakúltetiniń stýdenti Ásel, oqýshy Ásel Sádýaqasova jáne Almaty halyq sharýashylyǵy ınstıtýtynyń túlegi Rano Omarovany alady. Toptyń “Qarlyǵash”, “Ańsaǵanym”, “Muńaıma”, “Mahabbat”, “Aq jelken”, “Almatym” syndy tanymal ánderi bar.
– Bul bizdiń alǵashqy sýretimiz. Keshe kórip otyryp kúlkige qaryq boldym. Jas bolsaq ta, sýretke úlkender sekildi túsken ekenbiz. Men nebári 17 jastamyn. Gúlder de erekshe jaıqalyp tur eken, – deıdi Ásel Sádýaqasova.
Bul sýretti kórip ánshiniń ózi ǵana emes, jeli qoldanýshylary da kúlkige qaryq boldy. “Quddy qýyrshaq sekildisińder ǵoı”, “Ózge qyzdar qazir kórinbeı ketti”, “Úshinshi qyz joq bolyp ketti”, “Oıbaı, ne degen sýret mynaý”, “Myna jaqta kúlkige qaryq bolyp jatyrmyz”, “Iá, qazir 17 jastaǵylar áldeqaıda úlken kórinedi ǵoı”, “Jas ári symbatty bolǵan ekensińder” deıdi jeli qoldanýshylary.
