بۇل تۋرالى “Stan.kz” حابارلايدى.
قىزدار توبى 2002 جىلدىڭ ءساۋىر ايىندا Star Club-تا وتكەن قاتاڭ ىرىكتەۋدەن كەيىن قۇرىلعان بولاتىن. ال كاستينگكە كەلگەن قىزدارعا مىندەتتى تۇردە قازاق ءتىلىن جەتىك مەڭگەرۋ، ۆوكال، حارەوگرافيا، سۇلۋلىق سىندى تالاپتار قويىلعان.
ءادىل قازى القالارى ۇزاق ويلانا كەلە جۇرگەنوۆ اكادەمياسىنىڭ ءبىرىنشى كۋرس ستۋدەنتى اسىل بەدەلحاندى، قازۇۋ بيولوگيا فاكۋلتەتىنىڭ ستۋدەنتى اسەل، وقۋشى اسەل ءسادۋاقاسوۆا جانە الماتى حالىق شارۋاشىلىعى ينستيتۋتىنىڭ تۇلەگى رانو وماروۆانى الادى. توپتىڭ “قارلىعاش”، “اڭساعانىم”، “مۇڭايما”، “ماحاببات”، “اق جەلكەن”، “الماتىم” سىندى تانىمال اندەرى بار.
– بۇل ءبىزدىڭ العاشقى سۋرەتىمىز. كەشە كورىپ وتىرىپ كۇلكىگە قارىق بولدىم. جاس بولساق تا، سۋرەتكە ۇلكەندەر سەكىلدى تۇسكەن ەكەنبىز. مەن نەبارى 17 جاستامىن. گۇلدەر دە ەرەكشە جايقالىپ تۇر ەكەن، – دەيدى اسەل ءسادۋاقاسوۆا.
بۇل سۋرەتتى كورىپ ءانشىنىڭ ءوزى عانا ەمەس، جەلى قولدانۋشىلارى دا كۇلكىگە قارىق بولدى. “قۇددى قۋىرشاق سەكىلدىسىڭدەر عوي”، “وزگە قىزدار ءقازىر كورىنبەي كەتتى”، “ءۇشىنشى قىز جوق بولىپ كەتتى”، “ويباي، نە دەگەن سۋرەت مىناۋ”، “مىنا جاقتا كۇلكىگە قارىق بولىپ جاتىرمىز”، “ءيا، ءقازىر 17 جاستاعىلار الدەقايدا ۇلكەن كورىنەدى عوي”، “جاس ءارى سىمباتتى بولعان ەكەنسىڭدەر” دەيدى جەلى قولدانۋشىلارى.
