Túrkistan oblysy boiynsha ótip jatqan «Dástúrli qundylyqtar kerýeni» Saýran aýdanyna keldi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Túrkistan oblysy din isteri basqarmasy uiymdastyrǵan jiynnyń maqsaty – oblys turǵyndaryn túrli dini aǵymdardan saqtandyryp, dástúrli qundylyqtardy dáripteý. Kezdesý qonaqtarynyń qatarynda din, mádeniet, sport salalarynyń ókilderi boldy.
Keleli kezdesýge din salasynyń ókili, QMDB-nyń RANT múshesi Arman Qýanyshbaev, Din isteri basqarmasynyń bólim basshysy Qairat Abýov, akter, mádeniet salasynyń ókili Shaken Amanturov, KSRO Sport sheberi, Halyqaralyq dárejedegi tóreshi Ábdisadyq Halilaev qatysty.
Al moderator aýdan ákiminiń keńesshisi Muhammedjan Jumadýllaev boldy. Arnaiy kelgen qonaqtar dini saýattylyq jáne turaqtylyq jaily oilaryn baiandap, jiynǵa qatysýshylar tarapynan qoiylǵan suraqtarǵa jaýap berdi.
Kezdesýge ardagerler, ájeler, analar keńesi, aýyl bileri men jastar qatysty. Olar taǵylymdy áńgime tyńdap, qundy keńester aldy. Túrkistan oblysy din isteri basqarmasy uiymdastyrǵan jiynnyń maqsaty – qoǵamdyq pikir kóshbasshylaryn qatystyra otyryp, oblys turǵyndaryn dini aǵymdardan saqtandyrý, dástúrli qundylyqtardy dáripteý.
Aýdandyq ardagerler keńesiniń tóraǵasy Seiilhan Ahmetov salt-dástúr jaiyndaǵy utymdy usynystaryn ortaǵa saldy. Jiyn sońynda kópshilik tarapynan aitylǵan pikirler men suraqtarǵa jaýaptar berildi.
