تۇركىستان وبلىسى بويىنشا ءوتىپ جاتقان «ءداستۇرلى قۇندىلىقتار كەرۋەنى» ساۋران اۋدانىنا كەلدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
تۇركىستان وبلىسى ءدىن ىستەرى باسقارماسى ۇيىمداستىرعان جيىننىڭ ماقساتى – وبلىس تۇرعىندارىن ءتۇرلى ءدىني اعىمداردان ساقتاندىرىپ، ءداستۇرلى قۇندىلىقتاردى دارىپتەۋ. كەزدەسۋ قوناقتارىنىڭ قاتارىندا ءدىن، مادەنيەت، سپورت سالالارىنىڭ وكىلدەرى بولدى.
كەلەلى كەزدەسۋگە ءدىن سالاسىنىڭ وكىلى، قمدب-نىڭ رانت مۇشەسى ارمان قۋانىشبايەۆ، ءدىن ىستەرى باسقارماسىنىڭ ءبولىم باسشىسى قايرات ابۋوۆ، اكتەر، مادەنيەت سالاسىنىڭ وكىلى شاكەن امانتۇروۆ، كسرو سپورت شەبەرى، حالىقارالىق دارەجەدەگى تورەشى ءابدىسادىق حاليلايەۆ قاتىستى.
ال مودەراتور اۋدان اكىمىنىڭ كەڭەسشىسى مۇحاممەدجان جۇمادۋللايەۆ بولدى. ارنايى كەلگەن قوناقتار ءدىني ساۋاتتىلىق جانە تۇراقتىلىق جايلى ويلارىن بايانداپ، جيىنعا قاتىسۋشىلار تاراپىنان قويىلعان سۇراقتارعا جاۋاپ بەردى.
كەزدەسۋگە ارداگەرلەر، اجەلەر، انالار كەڭەسى، اۋىل بيلەرى مەن جاستار قاتىستى. ولار تاعىلىمدى اڭگىمە تىڭداپ، قۇندى كەڭەستەر الدى. تۇركىستان وبلىسى ءدىن ىستەرى باسقارماسى ۇيىمداستىرعان جيىننىڭ ماقساتى – قوعامدىق پىكىر كوشباسشىلارىن قاتىستىرا وتىرىپ، وبلىس تۇرعىندارىن ءدىني اعىمداردان ساقتاندىرۋ، ءداستۇرلى قۇندىلىقتاردى دارىپتەۋ.
اۋداندىق ارداگەرلەر كەڭەسىنىڭ ءتوراعاسى سەيىلحان احمەتوۆ ءسالت-داستۇر جايىنداعى ۇتىمدى ۇسىنىستارىن ورتاعا سالدى. جيىن سوڭىندا كوپشىلىك تاراپىنان ايتىلعان پىكىرلەر مەن سۇراقتارعا جاۋاپتار بەرىلدى.
