Jelide "Qairat" oiynshysy Dastan Sátpaev pen qaqpashy Sherhan Qalmyrzanyń analary týraly derekter tarady, dep habarlaidy Dalanews.kz.
Dastannyń anasy – Madina Sátpaeva. Ol áleýmettik jelilerde ózin kóp jariialamaityn jan. Degenmen, uly sekildi belsendi ómir saltyn ustanady: sportpen shuǵyldanady, iogaǵa qyzyǵady, tańǵy tártipti berik saqtaidy. Dastannyń fýtbolǵa degen yntasyn alǵash baiqaǵan – atasy. Biraq ol qulshynystyń úlken alaýǵa ainalýyna sebepker bolǵan – anasy.
Foto: Nobel Youtube-arnasynan kadr
Al Sherhannyń anasy – Sáýle Rabaeva. Ol media salasynda eńbek etip, «Túngi stýdiia», «Balapan» sekildi jobalardyń prodiýseri retinde tanylǵan.
Biraq Rabaevanyń eń úlken "jobasy" – eki uly. Sherhannyń boiyndaǵy qaisarlyq ta anasynyń myqty minezinen nár alǵandai.
