Jergilikti jáne basqarý salasynyń mamany, shyǵystanýshy, aýdarmashy, korei tiliniń bilikti mamany Dastan Aqashtyń «Astana EKSPO-2017 halyqaralyq kórmesi» Ońtústik Korei pavilonynyń resmi koordinatory bolyp qyzmet kiriskenin aitar edik. Tanymal aýdarmashy jáne shyǵystanýshy azamattyń halyqaralyq kórme isinde korei tarapymen qoian-qoltyq jaýapty qyzmet atqarýy zor abyroi ekeni ras.
[caption id="attachment_27574" align="alignleft" width="344"]
Eki eldiń mádeni yntymaqtastyǵyna dáneker bolyp, buǵan deiin Elbasynyń qanatty sózderi,korei ertegileri, men koreishe-qazaqsha, qazaqsha-koreishe sózdik qurastyryp, korei eliniń ekonomikasy, saiasaty jáne mádenieti týraly kóptegen tanymdyq jáne saraptamalyq maqala jazyp júrgen Dastan baýyrymyzǵa sáttilik tileimiz!
Qazirgi tańda Astanadaǵy EKSPO-2017 halyqaralyq kórmesinde Germaniia men Japoniiadan keiingi eń iri pavilon ornalystyrǵan Ońtústik Korei tarapy EKSPO-ǵa daiyndyq jumystaryn qyzý bastap ketip, kún saiyn san alýan is-sharalardy júrgizip jatyr. Onyń ústine Korei eli Qazaqstanmen aradaǵy diplomatiialyq qarym-qatynastyń 25 jyldyǵyna asa mańyz berip otyrǵanyn atap ótken jón. Kórme aiasynda korei elinen tanymal ártister, ánshiler jáne óner qairatkerleri men ǵalymdary, ministrleri at basyn buryp, eki jaqty áriptestiktiń kórigi qyza túspek.
Sonymen qatar, aýqymdy shara retinde Koreia men Qazaqstan arasynda enertegika salasy boiynsha biznes-forým uiymdastyrylady. Jastar men balalarǵa jáne astanalyq turǵyndarǵa Korei pavilonynyń tartar syiy kóp. Ótkende ǵana «Korei pavilony» birinshi bolyp el ishinde dombyrashylar men bishilerge arnalǵan baiqaý jariialady. Alda «Uly dala eli» men «Tańǵy shyq eli» arasyndaǵy ondaǵan qyzyqty shara uiymdastyrylmaq. Korei pavilony astanalyqtarǵa bolashaqta ne usynýy múmkin, sol týraly jaqyn arada Dastannyń óz aýzynan da estip qalarmyz.
