Parlament Senatynyń Tóraǵasy Dariǵa Nazarbaeva Parlament Palatalarynda zań jobalarynyń qaralý kestesi boiynsha keńes ótkizdi. Sharaǵa Májilis basshylyǵynyń ókilderi, Senat Biýrosynyń músheleri, Ádilet ministri, Prezident Ákimshiligi basshylyǵynyń, Premer-Ministr Keńsesiniń ókilderi, sondai-aq Parlament Palatalary apparattarynyń basshylary qatysty, dep habarlaidy Dalanews.kz QR Parlamenti Senatynyń baspasóz qyzmetine silteme jasap.
Dariǵa Nazarbaeva kirispe sózinde zań shyǵarý protsesiniń jalpy jaqsaryp kele jatqanyna qaramastan, uiymdastyrý máselelerin qaraý barysynda birqatar sheshilmegen máseleler bar ekenin atap ótti.
"Bizdiń basty mindetimizdi oryndaýǵa – sapaly zańdardy qabyldaýǵa kedergi keltiretin júiedegi aqaýlardy bilý úshin barlyq taraptardy tyńdaý kerek", - dep atap ótti ol.
Zań jobalarynyń 90 paiyzy Úkimettiń bastamasymen ázirlenetinin atap ótken jón. Zań jobalary jumystarynyń jospary jyl saiyn bekitiledi, onda zań jobalarynyń Parlamentke ákelý merzimderi kórsetiledi.
"Degenmen jospar is júzinde saqtalmai otyr, jyl sońyna qarai Parlamentke zań jobalaryn berý merzimderi únemi ózgerip ketedi. Meniń oiymsha, bul josparlaýdyń sapasyzdyǵy men oryndaý tártibiniń tómendigin kórsetedi. Osyǵan bailanysty zań jobalary josparynyń oryndalýyn josparlaý men baqylaýdy jaqsartý qajettigine Úkimet ókilderiniń nazaryn aýdarǵym keledi", - dep atap ótti D.Nazarbaeva.
Senat Tóraǵasynyń aitýynsha, Úkimettiń Parlamentke ákeletin zań jobalarynyń sapasy da odan keiingi problema bolyp tabylady. Úkimet bastamasymen ázirlengen zań jobalary boiynsha Májilis aýqymdy jumys júrgizedi, olarǵa túzetýler engizip, keide zań jobasy qaita jazylady.
Depýtattardyń keibir túzetýlerine qarjy shyǵyndary talap etiledi, oǵan Úkimettiń qorytyndysy qajet bolady, al ol ýaqyt alady. Úkimettiń qorytyndylary kelgenshe kóbinese tiisti merzim buzylady.
"Bir ǵana mysaldy keltireiin - jer qoinaýyn paidalaný, gaz jáne gazben jabdyqtaý máseleleri jónindegi zań jobasy. 11 qyrkúiekte Májiliske túsip, onda úsh ai qaraldy. Senatqa 12 jeltoqsanda keldi. Eger barlyq mereke jáne demalys kúnderin esepten alyp tastaityn bolsaq, onda 3 jumys kúninen keiin ony Palata otyrysynda birinshi oqylymda, al 3 jumys kúninen keiin – ekinshi oqylymda qaraýǵa májbúr boldyq.
Osylaisha, Senat osy zań jobasyn Senat otyrysynda qaraý kúnderin eskere otyryp 8 jumys kúni ǵana qarady. Bul qalai bolǵany? Bul bizdiń jumysymyzdaǵy alshaqtyqtyń bir ǵana mysaly", - dedi D.Nazarbaeva.
Kezdesý barysynda sondai-aq zań shyǵarý úderisindegi mańyzdy býyn – Úkimet janyndaǵy zań jobalaý qyzmeti máseleleri jónindegi mekemearalyq komissiia atap ótildi.
"Senat qabyldanatyn zańdardyń sapasyna óz ókilderi arqyly qandai da bir áser etý úshin zań jobalarynyń tujyrymdamalaryn bastapqy kezeńde talqylaityn osy komissiianyń jumysyna qarqyn berdi. Osy komissiianyń jumysy týraly erejege sáikes, talqylanatyn máseleler boiynsha materialdar komissiia múshelerine 7 jumys kúni ishinde usynylýy tiis, biraq olardyń merzimderi jii buzylady. Osyndai faktilerge jol bermeýge Ádilet ministrliginiń nazaryn aýdaramyn", - dep atap ótti D.Nazarbaeva.
Senatorlardyń zań jobalaryna túzetýler engizý quqyǵy talqylaýdyń jeke salasy boldy. Máselen, senatorlar jobadaǵy qaishylyqtardy anyqtaǵannan keiin zań jobasyn jaqsartatyn túzetýlerdi usyna bastaidy, al jobany ázirleýshiler senatorlarǵa osy qaishylyqtardyń bári túzetiletinin, ol túzetýler kelesi zań jobasynda eskeriletinin aityp sendiredi, al bul zań jobasyn merziminiń shektelýine bailanysty túzetýsiz qabyldaý qajettigi aitylady.
"Senatorlar zań jobasyn Májiliske eshqashan negizsiz qaitarǵan emes ári qaitarýdy usynbaidy da. Senatorlardyń túzetýler engizýi men zań jobalaryn Májiliske qaitarýdy jumys babyndaǵy ister protsesi retinde qalypty qaraý kerek. Bizdiń barlyq usynystarymyz saiyp kelgende zań jobalarynyń sapasyn arttyrýǵa baǵyttalǵan. Sapasyz zańdar memleket biliginiń bedelin túsiredi", - dedi D. Nazarbaeva.
Ádilet ministri Marat Beketaev óz kezeginde búgingi tańda zań jobalarynyń tujyrymdamasyn ázirleýge deiin olardy qoǵamda halyqtyń barlyq múddeli toptarymen ashyq talqylaý úshin negizgi ádis-tásilderdi jariialaýǵa arnalǵan tetikter daiyndalyp jatqanyn baiandady.
Dariǵa Nazarbaeva sonymen qatar halyqaralyq kelisimderdi daiyndaý rásimderin ózgertýdi, ony ázirleýge senatorlardy da qatystyrýdy usyndy. Senat basshysy sondai-aq Úkimettiń zań jobalaryn kelisý reglamentin qaita qaraýǵa nazar aýdardy jáne ol búkil jumysty sozyp jiberetini ári tetikteri nashar jumys isteitini atap ótildi.
Senat Tóraǵasy zań jobalarynyń tujyrymdamalaryn talqylaýdan bastap zań qabyldanǵanǵa deiin mekeme múddelerin ysyra turyp, yntymaqpen ári kelisip jumys isteýdi usyndy.
"Árbir zańnyń artynda orasan zor adamdardyń, kásiporyndardyń, biznestiń taǵdyry tur. Bul óte mańyzdy másele. Úkimetti osy jylǵa arnalǵan zań jobalary jumystarynyń josparyn qaita qaraýǵa shaqyramyn, ol jumys istemei tur", - dedi D.Nazarbaeva.
