Mártebeli meımandar Túrkistan qalasynda 3-4 qazan aralyǵynda ótetin «Tabarrýk-Zıarat» pılottyq jobasyn iske asyrý jónindegi forým jumysyna qatysý úshin arnaıy kelgen.
«Tabarrýk-Zıarat» pılottyq jobasy ekijaqty yntymastyqty nyǵaıtyp, týrızm salasyn damytýǵa, týrıster aǵynyn arttyrýǵa baǵyttylǵan. Óz kezeginde, atalǵan joba eki eldiń sonymen qatar, shekara mańyndaǵy óńirlerdiń ekonomıkalyq damýyna oń serpin beredi.
Aıta keteıik, týrızmdi damytý maqsatynda aǵymdaǵy jyly Ázirbaıjanda Túrki memleketteri uıymyna (budan ári – TMU) múshe elderdiń týrızm mınıstrleriniń 7-shi otyrysy ótti. Onyń qorytyndysy boıynsha TMU hatshylyǵynyń, Qazaqstan men Ózbekstan delegasıalarynyń qatysýymen «Tabarrýk-Zıarat» pılottyq jobasyn ázirleý boıynsha úshjaqty kezdesý ótkizý kelisildi.
Jobany iske asyrý máselelerin odan ári pysyqtaý úshin aǵymdaǵy jyldyń 19 qyrkúıeginde Qazaqstan men Ózbekstannyń múddeli memlekettik organdary men uıymdarynyń, TMU hatshylyǵynyń qatysýymen onlaın keńes ótkizilgen.
Óz kezeginde, Keńes qorytyndysy boıynsha «Tabarrýk-Zıarat» pılottyq jobasyn iske asyrý jónindegi forým» sheńberinde jobany iske asyrý máselelerin odan ári talqylaý týraly sheshim qabyldandy.
Kelisimge sáıkes pılottyq jobany júzege asyrý boıynsha máselelerdi talqylaý maqsatynda múddeli memlekettik organdar men bıznes qaýymdastyqtyń qatysýymen forým aǵymdaǵy jyldyń 3-4 qazan aralyǵynda uıymdastyrylyp otyr.
Túrkistandaǵy Týrızm jáne meımandostyq ýnıversıtetinde ótetin Forýmǵa TMU-nyń ókilderi, Qazaqstan jáne Ózbekstan Respýblıkasynyń týrızm mınıstrligi, keden qyzmeti, shekera qyzmeti, ishik ister qyzmeti men týrısik qaýymdastyq ókilderi qatysady.
