Almatynyń jańa ákimi Darhan Satybaldy turǵyndarǵa úndeý jasady. Darhan Satybaldy almatylyqtardy qalany birge kórkeitýge shaqyrdy, dep habarlaidy Dalanews.kz.
Qala ákimi Instagram paraqshasynda alǵashqy jumys kúninde Memleket basshysy qabyldaǵanyn jazdy.
"Prezident qala damýyna qatysty naqty tapsyrmalar berdi: turaqty ekonomikalyq ósimge qol jetkizý, ekonomikany ártaraptandyrý, qalanyń infraqurylymyn keshendi jańǵyrtý, jol-kólik júiesin jaqsartý jáne ekologiialyq máselelerdi sheshý", - dedi ol.
Onyń aitýynsha, ákimdiktiń basty mindeti - árbir almatylyqtyń múddesine sai qalanyń túitkildi máselelerin sheshý.
"Almatylyqtardyń ál-aýqaty men jaily ómiri úshin adal ári janashyrlyqpen eńbek etip, qalamyzdyń gúldenýine bar kúshimdi salý - men úshin úlken mártebe. Qurmetti almatylyqtar, tize qosyp eńbek etsek, Almatyny odan ári kórkeite alamyz dep senemin", — dep jazdy Darhan Satybaldy.
Aita keteiik, 24 mamyrda Memleket basshysynyń jarlyǵymen Darhan Satybaldy Almaty qalasynyń ákimi bolyp taǵaiyndaldy.
