Darhan Satybaldy Almaty qalasynyń ákimi bolyp taǵaıyndaldy

Saǵynysh Sardarova 24 mam. 2025 12:15

Darhan Satybaldy Almaty qalasynyń ákimi bolyp taǵaıyndaldy, dep habarlaıdy Dalanews.kz.

"Memleket basshysynyń jarlyǵymen Darhan Amangeldiuly Satybaldy Almaty qalasynyń ákimi bolyp taǵaıyndaldy, ol burynǵy atqarǵan laýazymynan bosatyldy", - dep jazylǵan habarlamada.

Darhan Satybaldy 1974 jyly 26 naýryzda Ońtústik Qazaqstan oblysynda dúnıege kelgen. 1996 jyly S.S. Seıfýllın atyndaǵy Aqmola aýyl sharýashylyq ınstıtýtyn, 2003 jyly Qazaq gýmanıtarlyq zań akademıasyn bitirgen.

Eńbek jolyn Ońtústik Qazaqstan oblysy Keles aýdanynyń Keles keńshary bólimshesiniń jumysshysy retinde bastaǵan.
1996-1999 jyldary túrli mekemelerde aǵa ekonomıs, bas býhgalter bolyp eńbek etken.
2000-2002 jyldary – Qazaqstan Respýblıkasynyń Qarjy mınıstrligi Qarjy baqylaý komıtetiniń Memlekettik mekemelerdegi búdjettik rásimderdiń oryndalýyn baqylaý basqarmasynda jetekshi baqylaýshy-revızor, bas baqylaýshy- revızor;
2002-2006 jyldary – Qazaqstan Respýblıkasy Prezıdenti İs basqarmasynyń Qarjy-ekonomıkalyq bólimi ekonomıkalyq taldaý jáne baqylaý sektorynyń referenti, konsýltanty, bas sarapshysy, Búdjettik josparlaý jáne qarjylyq baqylaý bólimi memlekettik satyp alýlardy uıymdastyrý sektorynyń meńgerýshisi;
2006 jyldyń tamyz aıynan bastap Astana qalasy turǵyn úı departamentiniń «Jylý» memlekettik komýnaldyq kásiporny dırektorynyń mindetin atqarýshy;
2007 jyly qańtar-mamyr aılary aralyǵynda Qazaqstan Respýblıkasy Joǵarǵy Soty janyndaǵy Sot ákimshiligi jónindegi komıtettiń sot oryndaýshysy;
2007-2010 jyldary – Qazaqstan Respýblıkasy Bilim jáne ǵylym mınıstrliginiń Búdjettik departamenti dırektorynyń orynbasary, Ǵylym komıteti tóraǵasynyń orynbasary;
2010 - 2011 jyldary – Qazaqstan Respýblıkasy Ulttyq qaýipsizdik komıtetinde departament bastyǵy;
2011-2013 jyldary – Qazaqstan Respýblıkasy Premer-Mınıstriniń keńsesi Áleýmettik-ekonomıkalyq bólimi meńgerýshisiniń orynbasary;
2013 -2015 jyldary – Shymkent qalasynyń ákimi;
2015-2017 jyldary – Ońtústik Qazaqstan oblysy ákiminiń orynbasary bolyp qyzmet atqarǵan.
2018-2019 jyldary Qazaqstan Respýblıkasy Parlamenti Senatynyń depýtaty retinde zań shyǵarý isine atsalysty.
2019-2022 jyldary – Qazaqstan Respýblıkasynyń Ózbekstan Respýblıkasyndaǵy Tótenshe jáne ókiletti elshisi;
2022-2025 jyldary – Túrkistan oblysynyń ákimi bolyp qyzmet atqardy.
2025 jyly 6 qańtar kúni Memleket basshysy Qasym-Jomart Toqaevtyń Jarlyǵymen Qazaqstan Respýblıkasy Prezıdentiniń Ákimshiligi Basshysynyń birinshi orynbasary laýazymyna taǵaıyndaldy.