– Álemdegi sońǵy úrdisterdi eskere otyryp, jańa tsifrlyq media men kreativti indýstriiany damytý jónindegi jumystardy jandandyrýdy kózdep otyrmyz, – dedi ministr.
Ministr Meta, TikTok, Google, Mail.Ru Group, LinkedIn, Netflix kompaniialarymen kelissóz júrgizip, tyǵyz qarym-qatynas ornatylǵanyn aitty.
Kelissózder nátijesinde Meta kompaniiasynyń Instagram, Whatsapp, Facebook, Messenger-diń Qazaqstan boiynsha resmi ókilderi aiqyndaldy.
Sondai-aq6 TikTok korporatsiiasynyń aimaqtyq ofisi ashyldy. Facebook pen TikTok-tiń interfeisin qazaqshalaý boiynsha kelisimder jasalǵan.
– TikTok kompaniiasymen 13 jasqa tolmaǵan balalardyń platformany paidalanýyn jáne ziiandy mazmundy kontentterdi birlesip anyqtaityn bolamyz. Munyń bári bizge úlken jaýapkershilik júkteidi, – dedi Darhan Qydyráli.
