Baiqaý:
- «Ádebiet»,
- «Ǵylym»,
- «Dizain jáne beineleý óneri»,
- «Jýrnalistika»,
- «Klassikalyq mýzyka»,
- «Qoǵamdyq qyzmet»,
- «Sport»,
- «Teatr jáne kino»,
- «Estrada»,
- «Halyq shyǵarmashylyǵy» atty 10 nominatsiia boiynsha ótedi.
Syilyq alýǵa halyqaralyq jáne respýblikalyq konkýrstardyń, festivaldar men túrli sharalardyń laýreattary, respýblikalyq jáne halyqaralyq deńgeilerdegi sporttyq jarystardyń júldegerleri men jeńimpazdary, sondai-aq qyzmeti innovatsiialyq bolyp tabylatyn jáne tiisti sala men tutastai qoǵamdy damytýǵa yqpal etken QR 29 jasqa deiingi azamattary úmitker bola alady.
«Daryn» jastar syilyǵyn alýǵa kandidatýralardy usynýdy memlekettik organdar, qoǵamdyq birlestikterdiń ókilderi júrgizedi.
Jeńimpazdarǵa QR Úkimetiniń qaýlysymen «Daryn memlekettik jastar syilyǵynyń laýreaty» ataǵy beriledi; jáne laýreattar diplommen, tósbelgilermen sondai-aq aqshalai syilyqpen marapattalady.
Jyl saiyn syilyqty usyný Qazaqstan Respýblikasy Táýelsizdigin merekeleý aiasynda ótkiziledi.
Úmitkerlerdiń qujattary 2022 jylǵy 10 tamyzǵa deiin QR Aqparat jáne qoǵamdyq damý ministrliginiń Jastar jáne otbasy isteri komitetine (qaǵaz nusqasy) kelesi mekenjai boiynsha: Nur-Sultan qalasy, Mángilik el dańǵyly 10, «Ministrlikter úii» ǵimaraty (14-kireberis), 8(7172)74-05-25, 8(7172)74-18-43, 8-701-170-46-54; jáne (elektrondyq nusqa) premiya.daryn@gmail.com el. poshtasy arqyly qabyldanady.
«Daryn» jastar syilyǵy 1992 jyly taǵaiyndalǵan. Ár jyldary atalmysh syilyqty túrli saladaǵy 300-den astam azamat ielengen bolatyn.
