Dárigerler daýyna bailanysty Bas prokýratýraǵa hat joldandy
Demek, bul daý qoǵamdyq ómirimizde úlken rezonans týǵyzǵany anyq. Biraq solai bola tura, nege ekeni belgisiz, Almaty qalalyq densaýlyq saqtaý basqarmasy bul maqalaǵa bailanysty eshqandai reaktsiia bildirmei, ún-túnsiz otyr.
Endi qoǵam belsendileri men bir top jýrnalister bul máselege bei-jai qarai almai QR Bas prokýrory Qairat Qojamjarovtyń jáne QR Memlekettik qyzmet isteri jáne sybailas jemqorlyqqa qarsy is-qimyl agenttiginiń tóraǵasy Alik Shpekbaevtyń attaryna úshbý hat joldady.
Úshbý hatta «Qurmetti Qairat Perneshuly jáne Alik Jatqambaiuly! Elbasymyz N.Á.Nazarbaev memlekettik qyzmet qashan da minsiz atqarylýy tiistigin únemi aityp otyrady. Bul rette memlekettik qyzmettegi tamyr-tanystyqqa, aǵaiynǵa burýshylyq pen zańsyz qamqorshylyqqa jol berilmeýi tiis. Degenmen Almaty qalasy densaýlyq saqtaý basqarmasynyń basshysy Serikbol Mýsinovtyń kadrlyq ózgeristeriniń kúmánde tustary bar sekildi. Ol basqarma basshylyǵyna kelgenine kóp ýaqyt bolmasa da, kadrlyq sapyrylystyrý júrgizip, densaýlyq saqtaý salasyna erekshe úles qosqan tájiribeli bas dárigerlerdi jumystan bosatqanyn túsine almadyq.
Qurmetti Qairat Perneshuly jáne Alik Jatqambaiuly! Aty atalǵan máselelerge bailanysty zańdy qadaǵalaýshy qos organ retinde prokýrorlyq tekserý, qyzmettik tekserý júrgizip, muny óz baqylaýlaryńyzǵa alýdy suraimyz», – delingen.
Aita keteiik, bul máselege bailanysty áli biz QR Prezidenti, Elbasy N.Á.Nazarbaevtyń atyna, QR Densaýlyq saqtaý ministri E.Birtanovqa, QR Parlamenti Senaty men Májilisiniń depýtattaryna, Almaty qalasynyń ákimi B.Baibek myrzalardyń atyna resmi hat joldaityn bolamyz.
https://dalanews.kz/35737
