Qazaqstannyń Tuńǵysh Prezidenti Nursultan Nazarbaevtyń úlken qyzy Dariǵa Nazarbaeva Forbes jýrnaly jariialaǵan 2026 jylǵy eń bai qazaqstandyqtar reitinginde 20-orynǵa turaqtady, dep dalanews.kz tilshisi kznews.kz saityna silteme jasap habarlaidy.
Basylym málimetinshe, onyń bailyǵy 550 million dollar dep baǵalanǵan. Bul ótken jylmen salystyrǵanda tómen kórsetkish. 2025 jyly Dariǵa Nazarbaeva 571 million dollarmen 17-orynda turǵan edi. Forbes onyń kapitalynyń azaiý sebebin naqtylamaǵan.
Dariǵa Nazarbaeva uly Nuraly Álievpen birge "Evropa pliýs Qazaqstan" jáne NTK telearnasyna ielik etedi. Sonymen qatar ol "DLS Group" holdingi arqyly "Region-Media", "Narýjnaia Reklama-Regiony" jáne "Telefabrika "Dala" kompaniialarynda úleske ie.
Al onyń sińlisi Dinara Qulybaeva biyl reitingte úshinshi orynǵa kóterilgen. Onyń bailyǵy 5,4 milliard dollar dep baǵalandy. Ótken jyly ol 5,3 milliard dollarmen tórtinshi orynda bolǵan.
Dinara Qulybaeva jubaiy Timýr Qulybaevpen birge «Almeks» holdingi arqyly Halyk Bank aktsiialarynyń 61,99 paiyzyna ielik etedi.
