Bul rette Densaýlyq saqtaý mınıstrligi «Halyq densaýlyǵy jáne densaýlyq saqtaý júıesi týraly» Kodeksine ózgertýler men tolyqtyrýlar engizip, jańa zańda naryqta dári-dármekti jyljytý normalaryn saqtamaǵany jáne ádep normalaryn buzǵany úshin jaýapkershilik qarastyrylatyn boldy. Osy maqsatta ázirlengen Ádep erejelerinde farmkompanıalar ókilderiniń dárilik zattardy jarnamalaý úshin emhana men aýrýhanaǵa jumys ýaqytynda barýyna tyıym salý da qarastyrylǵan.
Sondaı-aq, jańa talapta farmkompanıalar tarapynan medısına qyzmetkerlerine demeýshi bolyp, bonýstar berip, konferensıaǵa baryp kelý shyǵyndaryn kóterý isine de qatań túrde tyıym salynbaqshy.
Esterińizge sala keteıik, búgingi tańda medısına qyzmetkerlerine dári-dármekterdi jarnamalaýǵa tyıym salynǵan.
Qazirgi ýaqytta atalǵan zań jobasy QR Parlamenti Májilisiniń qaraýynda jatyr. Jaqyn ýaqytta QR Parlamenti Senatynyń kún tártibine ekinshi oqylymǵa shyǵarylady dep kútilýde. Aǵymdaǵy jyldyń sońyna deıin zańǵa qol qoıý josparlanyp otyr.
Aınur JUMAHAN
