Boksshy, Olimpiada chempiony, áýesqoi bokstan álem chempiony, halyqaralyq sport sheberi Daniiar Eleýsinov Parij Olimpiadasynda óner kórsetip jatqan qazaqstandyq sportshylarǵa sáttilik tiledi, dep habarlaidy Dalanews.kz.
Boksshy aldymen birneshe jyl buryn Braziliianyń Rio-de-Janeiro qalasynda ótken Olimpiada oiyndaryn eske túsirip, sol kezeńde úlken qoldaý kórsetken Ulttyq Olimpiada tóraǵasyna erekshe alǵysyn bildirdi.
"Bárińiz Parij Olimpiadasyn kórip, qadaǵalap jatqan shyǵarsyzdar. Meniń karerama kóz júgirtetin bolsaq, Rio Olimpiadasyna daiyndalǵan kezimde 2015 jyly álem chempionatyna joldama alyp, Rio Olimpiadasynyń aldynda 3 týrnirde jeńiske jetken bolatynmyn. Sol Olimpiadanyń aldynda Amerika Qurama Shtattaryna baryp daiyndalǵan edim. Sol usynysym men sheshimimdi Ultttyq Olimpiada komitetiniń tóraǵasy Timýr Asqaruly Qulybaev qoldap, óz qarajatyn bólip, oqý-jattyǵý jiynyna jibergen bolatyn.
Bul sol ýaqytta taktikalyq durys sheshim boldy dep oilaimyn. Joǵary deńgeide daiyndaldyq. Olimpiada altyny qazaq boksshysyna aýadai qajet bolǵan sát boldy. Sebebi maǵan da artylǵan jaýapkershilik joǵary boldy. Serik Sápiev ekeýmiz Olimpiada chempiony atandyq. Ádilbek Niiazymbetov pen Vasilii Levit kúmis júldeni enshiledi. Endi Parij Olimpiadasynda qalǵan sportshylarymyzǵa, boksshylarymyzǵa sáttilik tileimin!", - dedi ol.
Eske salaiyq, XXXIII jazǵy Olimpiada oiyndary – Qazaqstannyń táýelsiz el retinde qatysyp jatqan segizinshi jazǵy Olimpiadasy. Qazaqstannan 70 sportshyda 80 litsenziia bar.
Joldamanyń eń kóbin boksshylarymyz (10 litsenziia) jeńip alǵan bolatyn.
