بوكسشى، وليمپيادا چەمپيونى، اۋەسقوي بوكستان الەم چەمپيونى، حالىقارالىق سپورت شەبەرى دانيار ەلەۋسىنوۆ پاريج وليمپياداسىندا ونەر كورسەتىپ جاتقان قازاقستاندىق سپورتشىلارعا ساتتىلىك تىلەدى، دەپ حابارلايدى Dalanews.kz.

بوكسشى الدىمەن بىرنەشە جىل بۇرىن برازيليانىڭ ريو-دە-جانەيرو قالاسىندا وتكەن وليمپيادا ويىندارىن ەسكە ءتۇسىرىپ، سول كەزەڭدە ۇلكەن قولداۋ كورسەتكەن ۇلتتىق وليمپيادا ءتوراعاسىنا ەرەكشە العىسىن ءبىلدىردى.

"ءبارىڭىز پاريج وليمپياداسىن كورىپ، قاداعالاپ جاتقان شىعارسىزدار. مەنىڭ كارەراما كوز جۇگىرتەتىن بولساق، ريو وليمپياداسىنا دايىندالعان كەزىمدە 2015 جىلى الەم چەمپيوناتىنا جولداما الىپ، ريو وليمپياداسىنىڭ الدىندا 3 تۋرنيردە جەڭىسكە جەتكەن بولاتىنمىن. سول وليمپيادانىڭ الدىندا امەريكا قۇراما شتاتتارىنا بارىپ دايىندالعان ەدىم. سول ۇسىنىسىم مەن شەشىمىمدى ۇلتتتىق وليمپيادا كوميتەتىنىڭ ءتوراعاسى تيمۋر اسقار ۇلى قۇلىبايەۆ قولداپ، ءوز قاراجاتىن ءبولىپ، وقۋ-جاتتىعۋ جيىنىنا جىبەرگەن بولاتىن.

بۇل سول ۋاقىتتا تاكتيكالىق دۇرىس شەشىم بولدى دەپ ويلايمىن. جوعارى دەڭگەيدە دايىندالدىق. وليمپيادا التىنى قازاق بوكسشىسىنا اۋاداي قاجەت بولعان ءسات بولدى. سەبەبى ماعان دا ارتىلعان جاۋاپكەرشىلىك جوعارى  بولدى. سەرىك ساپييەۆ ەكەۋمىز وليمپيادا چەمپيونى اتاندىق.  ادىلبەك نيازىمبەتوۆ پەن ۆاسيليي ليەۆيت كۇمىس جۇلدەنى ەنشىلەدى. ەندى پاريج وليمپياداسىندا قالعان سپورتشىلارىمىزعا، بوكسشىلارىمىزعا ساتتىلىك تىلەيمىن!"، - دەدى ول.

ەسكە سالايىق، XXXIII جازعى وليمپيادا ويىندارى – قازاقستاننىڭ تاۋەلسىز ەل رەتىندە قاتىسىپ جاتقان سەگىزىنشى جازعى وليمپياداسى. قازاقستاننان 70 سپورتشىدا 80 ليسەنزيا بار.

جولدامانىڭ ەڭ كوبىن بوكسشىلارىمىز (10 ليسەنزيا) جەڭىپ العان بولاتىن.