Shyǵys Qazaqstan oblysynyń ákimi Danıal Ahmetov búgin oblystyq «Halıfa Altaı» meshitinde boldy. Aımaq basshysy meshittiń jumysymen tanysyp, qordalanǵan keıbir máselelerdi búdjettik emes qarjy kózderin jumyldyra otyryp sheshýge qoldaý kórsetetinin aıtty, dep habarlaıdy Baq.kz.

SHQO «Halıfa Altaı» meshitiniń baspasóz qyzmetiniń málimetinshe, oblys ákimi eń aldymen meshit ǵımaratynyń astynda ornalasqan kólik turaǵynyń tóbesinen sý aǵýdy toqtatý úshin tıisti jóndeý jumystaryn júrgizý kerektigine toqtaldy.

Odan keıin QMDB-nyń Óskemen aımaǵy boıynsha ókil ımamy Ermek qajy Tasbolatulynyń oblys ortalyǵyna meshittiń janynan 50-60 oryndy medrese salý týraly usynysyn tolyǵymen qoldap, jobalaý ınstıtýtyna joba daıyndap berýdi tapsyrdy.

Sonymen qatar, óńir basshysy jaqyn arada meshitke jeńil kólik alý máselesin sheship beretindigin aıtty.

Óz kezeginde ókil ımam Ermek qajy Tasbolatuly oblys ákimin QMDB Óskemen óńiri boıynsha ókildigi tarapynan atqarylyp jatqan jumystardyń barysymen tanystyrdy.

Danıal Ahmetov meshit qabyrǵasynda eki aılyq saýat ashý kýrsynda oqyp júrgen azamattarmen júzdesti.