شقو «حاليفا التاي» مەشىتىنىڭ باسپا ءسوز قىزمەتىنىڭ مالىمەتىنشە، وبلىس اكىمى ەڭ الدىمەن مەشىت عيماراتىنىڭ استىندا ورنالاسقان كولىك تۇراعىنىڭ توبەسىنەن سۋ اعۋدى توقتاتۋ ءۇشىن ءتيىستى جوندەۋ جۇمىستارىن جۇرگىزۋ كەرەكتىگىنە توقتالدى.
ودان كەيىن قمدب-نىڭ وسكەمەن ايماعى بويىنشا وكىل يمامى ەرمەك قاجى تاسبولات ۇلىنىڭ وبلىس ورتالىعىنا مەشىتتىڭ جانىنان 50-60 ورىندى مەدرەسە سالۋ تۋرالى ۇسىنىسىن تولىعىمەن قولداپ، جوبالاۋ ينستيتۋتىنا جوبا دايىنداپ بەرۋدى تاپسىردى.
سونىمەن قاتار، ءوڭىر باسشىسى جاقىن ارادا مەشىتكە جەڭىل كولىك الۋ ماسەلەسىن شەشىپ بەرەتىندىگىن ايتتى.
ءوز كەزەگىندە وكىل يمام ەرمەك قاجى تاسبولات ۇلى وبلىس اكىمىن قمدب وسكەمەن ءوڭىرى بويىنشا وكىلدىگى تاراپىنان اتقارىلىپ جاتقان جۇمىستاردىڭ بارىسىمەن تانىستىردى.
دانيال احمەتوۆ مەشىت قابىرعاسىندا ەكى ايلىق ساۋات اشۋ كۋرسىندا وقىپ جۇرگەن ازاماتتارمەن جۇزدەستى.
