Danial Ahmetov tanymal qazaqstandyq sýretshi Alpysbai Qazǵulovtyń kórmesin tamashalady
Jahandy jailaǵan indet koronavirýstyq infektsiianyń taralýynan týyndaǵan uzaq shekteýler, kóp dúnielerge kedergi boldy. Indetti tusap, qalypty ómirge oralǵannan keiin, Shyǵys Qazaqstan óner mýzeii kelýshiler aldynda esigin aiqara ashty.
Búginde murajaida QR Eńbek sińirgen qairatkeri, Qazaqstan Sýretshiler Odaǵynyń basqarma múshesi Alpysbai Qazǵulovtyń «Ýaqyt sáýlesi» atty jeke kórmesi ótýde. Álemge tanymal jan segiz myńǵa jýyq keskindeme týyndylarynyń avtory, kollektsioner, metsenant, Qazaqstan Respýblikasynyń "Parasat" ordeniniń iegeri, Eýropalyq óner Odaǵy Masarika atyndaǵy qurmet syilyǵynyń iegeri Alpysbai Qazǵulovtyń kórmeleri Belgiia, Qytai, Túrkiia, Ulybritaniia, Resei, Japoniia, Niderlandyda elderinde ótip, alǵampaz eýropalyqtardy tań qaldyrǵan tulǵa.
Dańqty sýretshiniń osyndai keń aýqymdy ekspozitsiiasy Óskemen qalasynda ótýine óńir basshysy uitqy boldy. ShQO ákimi Danial Kenjetaiuly Ahmetov kórmeni tamashalap Aspysbai Nyǵmetulymen suhbattasyp, kórmege tánti bolyp, erekshe áserin bildirdi. "Ónertanýshylar arasynda Alpysbai Qazǵulovty "tústerdi baǵyndyrýshy" dep ataidy, ol túrli janrlar men túrli-tústi gammalarda jumys isteidi. Men oblys ortalyǵynyń turǵyndary men qonaqtarynyń kórkemdikke qol tigizip, naǵyz talantty adamnyń kartinalaryn kórýge múmkindigi bar ekenine óte qýanyshtymyn" dedi óńir basshysy.
Zertteýshilerdiń aitýynsha, Alpysbai Qazǵulovtyń shyǵarmalarynda avtordyń jarqyn áserleriniń tutas palitrasy jeńil ári ásem túrde berilgen. Qamqorlyqsyz Jastyq shaq týraly jarqyn estelikter «Balalyq shaǵymnyń aýyly», «ájemniń úii», «aiqas», «oiyn», «bizdiń aýla», «ystyq kún» siiaqty jumystarda kórinis tapty.
