Ridder JEO basshylyǵynyń nemqurailylyǵyna bailanysty mazýttyń sapasy tómen ekeni jáne sý aralasqany belgili boldy. Qazir jylý stantsiiasyna "Qazmyrysh" JShS-nen 60 tonna al Óskemen JEO-nen 70 tonna mazýt jiberildi. Al 25 qazan kúni túngi saǵat altyda taǵy alty tsisterna janarmai Ridderdegi JEO-ǵa jetkiziledi.
Jetikizlgen otyn qory jylý ortalyǵynyń 100 kún úzdiksiz jumys isteýin qamtamasyz etedi. Iaǵni, qalany jylýmen qamtý tez arada qalpyna keledi. Óńir basshysy Danial Ahmetov bul máselege qatysty óz oiyn bylaisha jetkizdi:
– Osy saǵatqa deiin Ridderdegi JEO-na Óskemen JEO-nan 20 tonna mazýtpen alǵashqy kólik shyǵyp úlgerdi, bir saǵat ishinde jol politsiiasynyń súiemeldeýimen taǵy 50 tonna jóneltiletin bolady. Sondai-aq, "QazMyrysh" JShS otyn jetkizedi. Jylý stantsiiasynyń ekinshi qazandyǵy qalypty jaǵdaida istep tur. Birinshi jáne úshinshi ortalyqtardy iske qosý jumystary júrip jatyr. Saǵat 22.00-ge deiin Ridder JEO temperatýralyq rejimge sáikes turǵyn úiler men áleýmettik nysandardy jylýmen qamtamasyz etý kerek, – dedi ShQO ákimi óziniń áleýmettik jelidegi paraqshasynda. Qalyptasqan jaǵdaiǵa bailanysty ShQO-nyń prokýratýrasy Ridder JEO basshylyǵynyń salǵyrttyǵyna qatysty tergeý jumystary bastaldy. Jedel shtab qurylyp, jaǵdai aimaq basshysynyń jeke baqylaýynda.
Oblys ákiminiń orynbasary qazir Ridderde jumys istep jatyr. Halyqtyń úreilenýine negiz joq. Saǵat 22.00-ge qarai jylý berý qalpyna keltiriledi. Zaýyt qazandyqtaryn iske qosý algoritmi ázirlendi.
