Danial Ahmetov kópbalaly analardy turǵyn-úi jónindegi komissiiaǵa engizýdi usyndy
Altai aýdanynyń turǵyndary Berezovskii kentindegi Gornyi shaǵyn kóshesin ashýdy ótindi. Sonda turǵyndardyń respýblikalyq mańyzdaǵy tas jolǵa jyldam shyǵyp ketýlerine yńǵaily bolady.
Oblys basshysy aýyl turǵyndaryna kómektesýdi tapsyrdy. Turǵyndar sýmen jáne jylýmen jabdyqtaý máselesiniń sheshilgenine shynaiy rizashylyqtaryn bildirdi.
Balalary joǵary oqý oryndarynyń aqyly bóliminde oqityn Semeilik kóp balaly analar da aimaq basshysyna óz jaǵdailaryn aityp, kómek surady. Pandemiia kezinde kóptegen otbasy qarjylyq qiynshylyqqa tap bolǵany belgili. Sonyń saldarynan balalarynyń oqý aqysynyń tólei almaǵandyqtan emtihan tapsyra almaǵan. Jumyspen qamtýdy úilestirý jáne áleýmettik baǵdarlamalar basqarmasynyń mamandary bul máseleni qysqa merzimde qaraityn bolady.
– Biz bul maqsattarǵa «Paryz» qorynan qarajat bólemiz. Sonymen qatar, kóp balaly analar ózderin osy sanatqa jatatyn turǵyndarǵa baspana bólý jónindegi komissiiaǵa qosýdy surady. Men bul máseleni únemi kóterip kelemin. Aldaǵy ýaqytta meniń tapsyrmam boiynsha Semei qalasynyń ákimi bul jaǵdaidy retteidi, – dedi D.Ahmetov.
Kelesi bir máseleni Vesta sindromyna shaldyqqan balanyń anasy Oksana Jumaǵazieva kóterdi. Onyń aitýynsha, balanyń emine qajet preparat qymbat turady. Aimaq basshysy atalmysh máseleni de sheshýdi tapsyrdy jáne jaqyn kúnderi bul otbasyǵa qarjylai kómek kórsetiledi.
Oblys ákimine Óskemen qalasynyń turǵyndary Ahmer kentinen Ambýlatoriialyq ortalyq ashý jáne 19-shaǵyn aýdannyń aýlalaryn jaryqtandyrý máseleleri boiynsha ótinish bildirdi. Aldaǵy ýaqytta aimaq basshysynyń tapsyrmasyna sáikes, Óskemen qalasynyń ákimi men kommýnaldyq qyzmetter osy máselelerdi sheshý joldaryn qarastyryp, oblys basshysyna josparlaryn usynady.
