"Búgin kúni boiy halyqpen birge boldyq, halyqpen júzdestik. Aryz-shaǵymdaryn tyńdadyq. Álbette jurttyń sózi jón. Koronavirýs, Qytai azamattaryna qatysty qaýiptiń bári oryndy. Osy maqsatta 15 adamnan turatyn arnaiy komissiia quramyz. Bul komissiianyń quramyna tek zaisandyqtar kiredi. Qataryna qarapaiym halyq kiredi.
Qai jerde oqshaýlaý, qadaǵalaý pýnkteri bolady, Qytaidan kelgen óz azamattarymyzdy baqylaýǵa alý qalai júrgiziledi, shekaradaǵy baqylaý sharalary, Qytai kompaniialarymen qalai jumys isteimiz munyń bárin komissiia múshelerimen birigip talqylap, ortaǵa salamyz.
Halyq biliktiń qaýipti indetke qatysty qandai shara qabyldap jatqanyn bilý kerek jáne sonyń bel ortasynda júrýi tiis.
Dál qazir sherýge shyqqan jurt tarqady. Olardyń barlyq suraǵyna jaýap berdim. Sheshilmegen máseleler kún tártibine qoiyldy, olardy keshiktirmei qolǵa alamyz", – dedi Danial Ahmetov.
Aita ketelik buǵan deiin áleýmettik jelide “qaýipti indet juqtyrǵan qytai azamattary Zaisanǵa jetkizilip, jergilikti aýrýhanaǵa jatqyzyldy” degen qaýeset taraǵan. Muny estigen Sarterek jáne Ainabulaq aýylynyń halqy kóshege shyǵyp, jergilikti ákimdikten mán-jaidy túsindirýdi jáne shekarany jabýdy talap etken.
Bul málimetti oblys ákimdigi joqqa shyǵardy.
Kúrshim aýdanyna josparlanǵan saparyn keiinge shegergen óńir basshysy shekaradaǵy ahýalǵa alańdaǵan Zaisan aýdanynyń turǵyndarymen kezdesip, shekarany birde-bir sheteldik kesip ótpeitinin aitty.
