Osynaý baǵdarlamanyń oryndalýy barysyn naqtylaý úshin qala jáne aýdan ákimderiniń basyn qosyp, jıyn ótkizgen aımaq basshysy Danıal Ahmetov joba aıasynda atqarylǵan jumysqa sholý jasady.
Ahmetovtyń atap ótkenindeı "Aýyl - el besigi" baǵdarlamasyna óńirdegi 116 tirek aýyly kiredi. Búgingi tańda 44 eldi mekende baǵdarlama pármenimen júzege asqan 75 joba aıaqtalǵan. Taǵy altaýy jyl sońyna deıin jáne 12-si 2022 jyly júzege asyrylmaq.
"Munyń ishinde dene shynyqtyrý-saýyqtyrý keshenderi, baseınder, mádenıet úıleri qurylysy, mektepterdi jóndeý jobalary bar. Ókinishke qaraı, keı aýdandarda jumystardyń atqarylý merzimi uzaqqa sozylyp ketken», - dedi aımaq basshysy.
Aýdan-aýyl ákimderi munyń sebebin qurylys materıaldarynyń qymbattaýy jáne konkýrstardyń kesh ótkizilýi syndy máselelermen túsindirdi.
Danıal Ahmetov óz kezeginde jobalardyń iske asyrylýy birinshi kezekte ákimderdiń jaýapkershiliginde ekendigin eskertti.
"Osy rette, týyndaǵan máselelerdiń barlyǵyn qarastyratyn, sapaly taldaý júrgizetin komısıa qurýdy tapsyrdym. Kóptegen aýylda biz dene shynyqtyrý-saýyqtyrý keshenderin salyp jatyrmyz. Biraq muny demografıalyq jaǵdaıdy, balalar sanyn eskere otyryp isteý kerek. Búginde óńirde balalar buqaralyq sportyn damytýǵa úlken kóńil bólinýde. 7000 tegin seksıa jumys isteıdi. Aýyldyq jerlerde jattyqtyrýshylar sany artyp keledi», - dedi aımaq basshysy.
