Sońǵy bes jyl kóleminde oblysta «Aq bulaq» jáne «Nurly jol» baǵdarlamalary aıasynda 36,6 mlrd. teńgege 110 sýmen qamtý nysany salyndy. Bıyl olardyń qatary 47 jobamen tolyqty. Bul rette aımaq basshysy aýdan ákimderine qarajatty esep úshin emes, halyqtyń shynaıy ıgiligi úshin jumsaý kerektigin eskertti.
– 135 aýylǵa sý tarttyq dep esep bereı salmaı, halyq qaı aýylda kóp shoǵyrlanǵan, birinshi sol eldi-mekenderge tartý kerek. Áıtpese, kórsetkish úshin jumysty tez-tez bitirýge bolady. Biraq, eń birinshi halyqtyń qamyn, atqarylar istiń sapasyn oılaýymyz kerek. Ár joba úshin aýdan basshylary jeke-jeke jaýap beredi, – dedi oblys ákimi Danıal Ahmetov.
Búginde sýmen qamtý deńgeıi óńirdegi orta kórsetkishten tómen aýdandarda oblys ákiminiń tapsyrmasy boıynsha arnaıy jumys toby taldaý júrgizýde. Jalpy 2020 jylǵa deıin aımaqtaǵy aýyldardyń 62 paıyzyn taza aýyz sýmen qamtý josparlanyp otyr.
SHQO ákiminiń baspasóz qyzmeti
