Bul qaraly habardy áleýmettik jelide Dana Nurjigit jazdy.
"Álimniń ákesimen sońǵy kezdesýi eken… Volodá, Vladımır, Vladımır Ahmadánovıch Rerıh búgin Berlınde dúnıeden ozdy…" - dep jazdy ol.
forbes.kz
Dana Nurjigittiń sózinshe, olar 1996 jyly 11 naýryzda tanysqan. Keıin 2000 jyldan beri 15 jyl otasqan.
"Uldy boldyq. Túsinispegen jerden men Qazaqstanda qalyp, sen Germanıaǵa kettiń. Biraq, sen meniń tulǵa bolyp qalyptasýyma, maman bolyp ósýime, ana bolyp bala tárbıesinde nege mán berý kerektigime zor yqpal ettiń, aqylshym, sapalylyq, danalyq, ar, kásibıliktiń bıik ólshemi boldyń.
Parasatyń, bilimiń, sheshendik óneriń, zıalylyǵyń erekshe edi. Jeltoqsanda baramyz dep Berlınge bılet alǵanym josparly sapar bolǵan joq, qazan aıynda ózimnen ózim balany saǵan aparǵym keldi. Sońǵy kezdesý bolaryn kim bilgen, Volodá! Anań Emma Aleksandrovna, meniń aıaýly enemniń qasyna kettiń… Balań ózińdi kórip, bıylǵy týǵan kúnińmen birinshi bolyp quttyqtaǵany sońǵy ret eken ǵoı… Myna dúnıeden tynyshtyq tappaǵan, túsinistik tappaǵan janyń jánnáttan rahat tapsyn! Keshir meni!" - dep jazdy jýrnalıs.
Aıta keteıik, Vladımır Rerıh - tanymal qazaqstandyq telejúrgizýshi jáne medıamenedjer. Ol 66 jasta edi.
Sýret: forbes.kz/Andreı Lýnın
