Mundaı nesıe shartyna «Damý» Qorynyń Basqarma tóraǵasy men Jambyl oblysy ákimshiliginiń arasynda qol qoıyldy. Qujat boıynsha oblys ákimshiligi men «Damý» Qory aýyl sharýashylyq, óńdeý ónerkásibi, týrızm, óner jáne kóńil kóterý salasynda qyzmet kórsetetin shaǵyn jáne orta kásipkerlerge parıtetti negizde 500 mln teńge bóledi. Qarajat ekinshi deńgeıli bankter arqyly bosatylady. Jyldyq syıaqy mólsherlemesi 8,5%. Nesıeniń shektik mólsheri – Taraz qalasynyń kásipkerleri úshin 100 mln teńgege deıin, Jambyl oblysynda júzege asyrylyp jatqan jobalar úshin 50 mln teńge.Nesıe jańa qural satyp alyp, negizgisin jańalaýǵa 84 aıǵa deıin beriledi. Aınalymdaǵy qarajatty toltyqtyrýǵa 36 aıǵa deıingi merzim kórsetilgen.Negizgi qaryzdy óteýdegi jeńildik beriletin merzim 12 aıdan aspaıdy.
«Jambyl oblysynda jumys istep jatqan shaǵyn jáne orta kásipkerlik nysandarynyń kóp emestigin, ıaǵnı bar joǵy 59 myń ekenin eskere otyryp, arzan, qoljetimdi, uzaq merzimge beriletin nesıe usyný arqyly olardyń qataryn kóbeıtýimiz kerek. Jylyna 8,5% syıaqy mólsherlemesimen beriletin nesıe – óńirdegi SHOB ósimine úlken serpin bolary anyq»,-dedi «Damý» Qorynyń Basqarma tóraǵasy Qanysh Týleýshın.
