مۇنداي نەسيە شارتىنا «دامۋ» قورىنىڭ باسقارما ءتوراعاسى مەن جامبىل وبلىسى اكىمشىلىگىنىڭ اراسىندا قول قويىلدى. قۇجات بويىنشا وبلىس اكىمشىلىگى مەن «دامۋ» قورى اۋىل شارۋاشىلىق، وڭدەۋ ونەركاسىبى، تۋريزم، ونەر جانە كوڭىل كوتەرۋ سالاسىندا قىزمەت كورسەتەتىن شاعىن جانە ورتا كاسىپكەرلەرگە پاريتەتتى نەگىزدە 500 ملن تەڭگە بولەدى. قاراجات ەكىنشى دەڭگەيلى بانكتەر ارقىلى بوساتىلادى. جىلدىق سىياقى مولشەرلەمەسى 8،5%. نەسيەنىڭ شەكتىك مولشەرى – تاراز قالاسىنىڭ كاسىپكەرلەرى ءۇشىن 100 ملن تەڭگەگە دەيىن، جامبىل وبلىسىندا جۇزەگە اسىرىلىپ جاتقان جوبالار ءۇشىن 50 ملن تەڭگە.نەسيە جاڭا قۇرال ساتىپ الىپ، نەگىزگىسىن جاڭالاۋعا 84 ايعا دەيىن بەرىلەدى. اينالىمداعى قاراجاتتى تولتىقتىرۋعا 36 ايعا دەيىنگى مەرزىم كورسەتىلگەن.نەگىزگى قارىزدى وتەۋدەگى جەڭىلدىك بەرىلەتىن مەرزىم 12 ايدان اسپايدى.
«جامبىل وبلىسىندا جۇمىس ىستەپ جاتقان شاعىن جانە ورتا كاسىپكەرلىك نىساندارىنىڭ كوپ ەمەستىگىن، ياعني بار جوعى 59 مىڭ ەكەنىن ەسكەرە وتىرىپ، ارزان، قولجەتىمدى، ۇزاق مەرزىمگە بەرىلەتىن نەسيە ۇسىنۋ ارقىلى ولاردىڭ قاتارىن كوبەيتۋىمىز كەرەك. جىلىنا 8،5% سىياقى مولشەرلەمەسىمەن بەرىلەتىن نەسيە – وڭىردەگى شوب وسىمىنە ۇلكەن سەرپىن بولارى انىق»،-دەدى «دامۋ» قورىنىڭ باسقارما ءتوراعاسى قانىش تۋلەۋشين.
