Mundaı memorandýmǵa Almaty qalasynyń ákimi Baýyrjan Baıbek, «Damý» Kásipkerlikti damytý Qory» AQ Basqarma tóraǵasy Qanysh Týleýshın jáne shahardyń bıznes ókilderi qatysqan İskerlik keńestiń otyrysynda qol qoıyldy.
Qarajat qalanyń týrızm, ınovasıa jáne tamaq ónerkásibi salasyn qarjylandyrýǵa baǵyttalady. Almaty qalalyq ákimshiligi men «Damý» Qorynyń parıtetti negizdegi birlesken qarjylandyrýy ekinshi deńgeıli bankter arqyly júzege asyrylady.
- Týrızm salasyndaǵy kásipkerlerge «Almaty týrızm» baǵdarlamasy boıynsha qoıylatyn talaptar:
Jalpy qarjy kólemi – 2 mlrd teńge. Almaty qalalyq ákimshiligi 1 mlrd teńge, «Damý» Qory 1 mlrd teńge bóledi.
Nesıe mólsherlemesi jylyna 8,5%;
Bir kásipkerdiń qolyna tıetin qarjy shegi 100 mln teńge;
Nesıe 84 aıǵa deıin beriledi;
Maqsaty – ınvestısıa jáne aınalym qarajatyn tolyqtyrý.
- Tamaq ónerkásibi salasyndaǵy kásipkerlerge «Almaty ónim» baǵdarlamasy boıynsha qoıylatyn talaptar:
Jalpy qarjy kólemi 1 mlrd teńge. Almaty qalalyq ákimshiligi 500 mln teńge, «Damý» Qory 500 mln teńge bóledi.
Nesıe mólsherlemesi jylyna 8,5%;
Bir nesıe alýshyǵa 100 mln teńgege deıin beriledi;
Nesıe negizgi qural jabdyqtar satyp alý jáne jańartýǵa dep 84 aıǵa deıin, aınalym qarajatyn tolyqtyrýǵa 36 aıǵa deıin beriledi;
Maqsaty – tamaq ónimderi men alkogólsiz sýsyndar óndirisi.
- Inovasıalyq salalarda qyzmet etetin kásipkerlerge «Almaty ınovasıalar» baǵdarlamasy boıynsha qoıylatyn talaptar:
Jalpy qarjy kólemi 1 mlrd teńge. Almaty qalalyq ákimshiligi 500 mln teńge, «Damý» Qory 500 mln teńge bóledi.
Nesıe mólsherlemesi jylyna 8,5%;
Bir nesıe alýshyǵa 100 mln teńgege deıin beriledi;
Nesıe 84 aıǵa deıin beriledi;
Maqsaty – ınvestısıa jáne aınalym qarajatyn tolyqtyrý.
Munymen qatar eki tarap úsh baǵdarlama boıynsha bólingen qarajattyń kem degende 25%-y start-up jobalarǵa berilýi kerek dep kelisti.
«Almaty qalasy respýblıkanyń iskerlik ortalyǵy bolyp sanalady. Shahar shaǵyn jáne orta kásipkerlik nysandary jaǵynan alǵashqy orynda. Munda 182 SHOB kásiporyndary bar. Bul respýblıkalyq kórsetkishtiń 15% quraıdy. Jumyspen qamtylǵan halyq sany jaǵynan da birinshi orynda. 570 myńǵa jýyq adam kásipkerlik salasynda qyzmet etedi. Bul respýblıka boıynsha 17%-dy quraıdy. Sondaı-aq SHOB kásiporyndary shyǵarǵan ónim kólemi jaǵynan da birinshi orynda. Olar 4 mlrdtan astam teńgeniń ónimin shyǵarǵan. Bul respýblıka boıynsha shyǵarylǵan ónimniń 26% quraıdy. Degenmen jeńildikpen nesıelendirýdi qajet etetin salalar da bar. Ol – týrızm, tamaq ónerkásibi jáne ınovasıalyq salalar. Mysaly «Almaty týrızm» baǵdarlamasy boıynsha biz qolóner sheberlerin erekshe kádesyılar jasaýǵa yntalandyrǵymyz keledi. Bul aldaǵy 2017 jylǵy Ýnıversıada men EKSPO-2017 kezinde mańyzdy. «Almaty ónim» baǵdarlamasy boıynsha kásipkerler tamaq pen alkogólsiz sýsyn shyǵarýǵa jeńildikti nesıege, fermerler óz ónimderin ótkizetin naryqqa qol jetkizedi. Eń bastysy - bólingen qarajattyń 25% jańa kásiporyndar men jańa baǵyttardy qolǵa alatyn start-up jobalarǵa bólinetini. Ákimshilik úshin bul qala búdjetine túsetin salyq pen jańa jumys oryndary»,- dedi «Damý» Qorynyń Basqarma tóraǵasy Qanysh Týleýshın.
