Dalanews/DALA INSIDE redaksıasynyń táýelsiz jýrnalıseri atynan QR Bas prokýrory B.Asylovqa, QR Mádenıet jáne aqparat mınıstri A.Balaevaǵa, İİM mınıstri E.Sádenovke, "Ádil Sóz" Halyqaralyq sóz bostandyǵyn qorǵaý Qoryna, Qazaqstan jýrnalıser Odaǵyna, Qazaqstan Transparensı qoryna, Internews-ke, barlyq aqparat quraldary men jýrnalıserge

RESMI ÚNDEÝ

Dalanews jáne DALA INSIDE redaksıalarynyń táýelsiz jýrnalıseri osy Úndeý aıasynda "G-Park" qurylys kompanıasy jáne onyń basshysy Ǵabıt Satmaǵambetov týraly materıaldar jarıalanǵannan keıin qysymǵa tap bolǵanymyzdy habarlaımyz jáne mundaı jaǵdaıǵa alańdaýshylyq bildiremiz. "G-Park" týraly alǵashqy materıaldardan bastap, bizdi jaýapkershilikke tartqan oqıǵalar hronologıasyn egjeı-tegjeıli baıandaı otyryp, úkimettik, halyqaralyq uıymdardyń qoldaýyn suraımyz.  

DALA INSIDE "G-Park" qurylys kompanıasynyń basshysy Ǵabıt Satmaǵambetov ashýyna qalaı tıdi?

Astana qalasynyń ákimi Jeńis Qasymbektiń 2023 jylǵy 22 jeltoqsandaǵy «G-Park kompanıasyna jańa nysandardyń qurylysyn bastaýǵa tyıym salý» týraly barlyq BAQ-ta taratylǵan jarıa málimdemesi, eks ákim Altaı Kólginov otstavkaǵa ketkennen keıin qurylys kompanıasynda problemalar bastalǵandyǵyn, burynǵy polısıa qyzmetkeri Ǵ.Sátmaǵambetovtiń jaǵdaıy máz emes tujyrymdy rastaı tústi. Sebebi, aldymen "G-Gark" JSHS "Jeneva" MJK nysany boıynsha boıynsha josyqsyz qurylys salýshylar tizimine engizildi. Al odan keıin ruqsat qujattary joq TK qurylysyna qatysty janjaldar, 2023 jylǵy tamyzda keńsede úleskerlerdiń mıtıńileri oryn aldy. Buǵan deıin Astanada qurylys kompanıalarynyń basshylary qashyp, zardap shekken úleskerlerdiń quqyqtary memleket tarapynan birneshe ret qorǵalǵandyqtan, olardyń mindettemeleri tıisinshe salyq tóleýshilerdiń qaltasynan, el búdjetinen jabyldy. Buqaralyq aqparat quraldarynda jeke qurylys kompanıasynyń kapıtalyn nemese bıznesin qorǵasyn degen esh mindetteme joq. Jýrnalıser ózderiniń kásibı boryshyna baılanysty tek qana azamattardy, úleskerlerdi jáne memleketti aldaǵy táýekelder týraly eskertýge mindetti. Sondyqtan mundaı kúrdeli máselelerdi ýaqtyly anyqtaý jáne jarıalaý kóbinese úleskerlerdiń quqyqtaryn jappaı buzýdy toqtatýǵa jáne aldyn alýǵa múmkindik beredi. Bizdiń redaksıanyń qyzmeti dál osy maqsatqa baǵyttalǵan.

2023 jyldyń 25 jeltoqsanynda DALA INSIDE telegram arnasynda "Qýat" oqıǵasy qaıtalanady. "G-Park" qurylys kompanıasynyń basshysy Ǵabıt Satmaǵambetov Dýbaıda jasyrynýǵa kóshti" taqyrybymen materıal jarıalandy.

Atalǵan materıal shyqqannan keıin "G-Park" basshysy Ǵabıt Satmaǵambetov óziniń Instagram paraqshasynda Astanada ekendigin jarıalap, redaksıaǵa bizdiń jarıalanymdy joqqa shyǵarý týraly talap jiberdi. Osydan keıin, 2023 jyldyń 28 jeltoqsanynda DALA INSIDE Ǵabıt Satmaǵambetovtyń Astanada ekendigi týraly aqparatyna silteme jasaı otyryp, aldyńǵy materıaldy teriske shyǵarady.

Iaǵnı,jarıalanǵan aqparat jedel túrde teriske shyǵarylyp, eski post alynyp tastalǵannan keıin,másele sol jerde joıyldy dep eseptedik. Alaıda Satmaǵambetov myrza joq jerden "tyrnaq astynan kir izdeýdi" jalǵastyrdy.

2024 jyldyń 4 qańtarynda ol Astana qalasynyń polısıa departamentine aryz jazdy. Ol jýrnalıserdiń negizsiz shabýylyna ushyrap, Dýbaıǵa barmaǵandyǵyn alǵa tartady. Biz alǵashqy materıaldy teriske shyǵaryp, alyp tastasaq ta, polısıa Ǵabıt Satmaǵambetovten aryzdy dereý qabyldady. Jáne 2024 jyldyń 5 qańtarynda Astana qalasy polısıa Departamentiniń tergeý basqarmasynyń tergeýshisi bizdiń materıalymyz ben 365info.kz basylymdaǵy áriptesterimizdiń materıalyn qarap shyqty. Bul aqparattyń bastapqy derekkózi bizdiń materıal bolǵan. Bizdi osy qylmystyq is boıynsha polısıa qyzmetkerleriniń jyldamdyǵy tań qaldyrdy. Mundaı jyldam reaksıa is júzinde jıi bola bermeıtin qubylys.

Osydan keıin Astana qalasy polısıa Departamentiniń jedel tergeý basqarmasy 365info.kz jáne DALA INSIDE redaksıa qyzmetkerlerinen jaýap alý úshin olardy Almaty men Astana qalasynan shaqyra bastady. BAQ týraly Zańnyń 20-babyna qaramastan, tergeýshiniń negizgi maqsaty jýrnalıserdi daýly qurylys kompanıasy týraly aqparatty qaı derekkózden alǵanyn ashýǵa májbúrleý boldy.

Qazirgi ýaqytta bizdiń redaksıamyzdyń jýrnalıserin tintý, keńse tehnıkasyn alyp qoıý jáne qamaýǵa alýǵa sanksıa berý qaýpi bar. Astana qalalyq Polısıa departamentiniń tergeý basqarmasy naqty kúdiktiniń joqtyǵyna jáne bizdiń aqparatty jarıa etpeý týraly esh qujatqa qol qoımaǵanymyzǵa qaramastan, atalǵan is týraly aqparattyń ashylǵany úshin jaýapkershilik bolatynyn qaıta-qaıta eskertýge tyrysty.

Biz ózimizdiń durystyǵymyzǵa jáne aqparatymyzdy berý tásiline senimdimiz. Sondyqtan sotta óz pozısıamyzdy sońyna deıin qorǵaımyz jáne adal, kásibı jýrnalısıka quqyq qorǵaý organynyń burynǵy qyzmetkeri, G-Park bıznesin ustaýshy Ǵ.Satmaǵambetovtyń ambısıasynan, onyń baılanystarynan da joǵary ekenin dáleldeımiz.

Ol óz bıznesiniń problemalarynan alshaqtap shetelge ketti degen sózge renjidi. Al bul qurylys kompanıasyna sengen úleskerleriniń taǵdyry qalaı bolmaq? Biz olardyń zańdy quqyqtary men múddelerin qorǵaı alamyz ba? Biz bul suraqtarǵa artynan jaýap alatyn bolamyz. Óıtkeni úleskerlerdiń mıtıńileri men qurylysqa tyıym salynǵanyna qaramastan, Satmaǵambetov turaqty túrde álem boıynsha saıahattaýdy jalǵastyrýda jáne kóptegen elderge baryp úlgerdi. Osydan keıin, ol shetelden shyqpasa, bıznestiń problemalarynan alshaqtady dep qalaı aıta almaımyz?

Óz kezeginde Dalanews, DALA INSIDE jáne "Qala men Dala" gazetiniń quryltaıshysy óz jumysyn atqarǵan redaksıa jýrnalıserin aıaǵyna deıin qorǵaýǵa nıetti.

Biz "Ádil Sóz" Halyqaralyq sóz bostandyǵyn qorǵaý qoryna jáne Qazaqstan Jýrnalıser Odaǵyna jáne joǵaryda atalǵan barlyq laýazymdy tulǵalarǵa júginemiz jáne qurylys sektorynda týyndaýy múmkin problemalardyń aldyn alýǵa, Qazaqstan halqynyń múddesin birinshi kezekke qoıa otyryp jumys istep jatqan jýrnalıser men BAQ-qa qysym jasaý faktisine nazar aýdarýdy suraımyz. Biz qazir Ǵabıt Sátmaǵambetov bıznesindegi barlyq yqtımal benefısıarlardy ashý, Qazaqstannan zańsyz syrtqa qarjy shyǵarýdyń yqtımal joldaryn zertteý, kompanıadaǵy baǵa qurylymy, qurylysqa ruqsat berý qujattary men jer ýchaskelerin alý rásimderine qatysty zertteý jumysymyzdy odan ári jalǵastyramyz.

Qalaı bolǵanda da, "G-Park" pen DALA INSIDE ashyq sotta kezdesedi.

Dalanews/DALA INSIDE redaksıasy, 19 aqpan 2024 jyl