Keshe, 23 maýsymda Daǵystanda belgisiz bireýler sinagoga men shirkeýge shabýyl jasady, - dep habarlaidy Dalanews.kz.
Búgin tańerteń Qazaqstan prezidenti Qasym-Jomart Toqaev Daǵystandaǵy pravoslavie shirkeýi men sinagogaǵa lańkestik áreketter jasalyp, sonyń saldarynan din jáne quqyq qorǵaý organdary qyzmetkerleriniń qaza bolýyna bailanysty Resei Prezidenti Vladimir Pýtinge kóńil aitty. Qazaqstan Prezidenti quqyq qorǵaý júiesi arqyly jedel-izdestirý sharalaryn júrgizýde kómek kórsetýge daiyn ekenin jetkizdi.
Memleket basshysy adamzatqa qarsy jasalǵan mundai áreketti úzildi-kesildi aiyptaidy, sondai-aq, BUU, ShYU jáne basqa da bedeldi halyqaralyq uiymdar aiasynda lańkestikpen kúresý úshin kópjaqty yntymaqtastyqty damytýdy qoldaidy.
Bastapqyda Daǵystannyń quqyq qorǵaý organdary bir qyzmetkerdiń qaitys bolǵanyn rastady. Taǵy altaýy jaraqat aldy. Bul týraly reseilik BAQ habarlady.
Keiinnen qaza tapqandar sany 9 adamǵa jetti. Onyń jeteýi quqyq qorǵaý organdarynyń qyzmetkerleri. Taǵy 25 adam jaraqat alǵan. Daǵystan IIM málimetinshe, Mahachkalada shabýyl jasaǵan 4 adam mert bolǵan.
Sonymen qatar, Sergokalada belgisiz bireýler politseilerdiń kóligin atyp tastaǵan. Saldarynan bir qyzmetker jaraqat alǵan.
Jelide taraǵan aqparattar boiynsha shabýyl jasaǵandardyń arasynda Sergokala aýdanynyń basshysy Magomed Omarovtyń balasy da bolýy múmkin. Al basqa derekter boiynsha, terakt jasaǵandardyń arasynda onyń eki balasy - Osman men Ádil bar. Daǵystandyq basylymdardyń málimetinshe, Magomed Omarov otstavkaǵa ketken. Al keibir derekter boiynsha, Omarov ustalǵan.
