D. Nazarbaeva jańa laýazymǵa taǵaiyndaldy
Keńestiń kezekti otyrysy 15 qarashada ótti. D.Nazarbaeva osy laýazymda Parlament Senatynyń depýtaty Birǵanym Áitimovany aýystyryp, B.Áitimovaǵa Keńesti basqara otyryp atqarǵan jumysy úshin alǵys bildirildi.
Óziniń kirispe sózinde D.Nazarbaeva osy saladaǵy zamanaýi talaptar men jahandyq trendterge jaýap beretin syrtqy saiasi vedomstvo men azamattyq qoǵamnyń tikelei bailanysyn qamtamasyz etý Qoǵamdyq keńestiń basty mindeti bolyp qalatynyn atap ótti.
Kún tártibine sáikes, Syrtqy ister ministri Qairat Ábdirahmanov BUU Bas Assambleiasynyń 72-shi sessiiasyna qazaqstandyq delegatsiianyń qatysý nátijelerin, sondai-aq Qazaqstannyń BUU Qaýipsizdik Keńesindegi músheligi basymdyqtary jóninde naqty málimetter bere otyryp, syrtqy saiasattaǵy negizgi baǵyttar jóninde oiyn bildirdi.
Ministrlik beibitshilik pen qaýipsizdikti qoldaý jónindegi jahandyq uiymdaǵy óziniń qyzmetinde osy jyldyń qańtar aiynda BUU QK-niń ashyq pikirtalastarynda aitylǵan Prezident N.Á.Nazarbaevtyń "Qaýipsiz, ádil jáne gúldengen álem qurý úshin jahandyq áriptestikti nyǵaitýǵa qazaqstandyq tujyrymdamalyq kózqarasy" atty arnaiy saiasi úndeýiniń negizgi qaǵidalaryn basshylyqqa alady.
Vedomstvo basshysy basty taqyryptary Ortalyq Aziia jáne Aýǵanstan boiynsha qarardy ilgeriletý, sondai-aq terrorizmge qarsy is-qimyl máseleleri jónindegi 2018 jyldyń qańtardaǵy BUU QK-degi Qazaqstan tóraǵalyǵyna daiyndyǵy týraly habarlap, negizgi baǵyttan, halyqaralyq ózara bailanysty, teń áriptestikti nyǵaitý jolynan taimaitynyn jetkizdi.
Otyrys barysynda Keńestiń basty baǵyttary boiynsha jumys nátijeleri týraly esepter tyńdaldy. "Qazaqstannyń Internet Qaýymdastyǵy" ZTB Prezidenti Shavkat Sabirov óziniń sózinde Qoǵamdyq keńes jumysynyń aqparattyq-imidjdik baǵyty boiynsha jumys ónimdiligin aitsa, SIM Syrtqy saiasi taldaý men boljamdaý departamentiniń direktory Álim Qirabaev jáne QR Prezidenti janyndaǵy Qazaqstandyq strategiialyq zertteýler institýtynyń direktory Zarema Shaýkenova jumystyń taldamalyq-saraptaý jaǵyn iske asyrý nátijeleri boiynsha baiandady. Qazaqstan Respýblikasynyń 2014-2020 jyldarǵa arnalǵan Syrtqy saiasi tujyrymdamasynyń qoldanylý merzimi 2019 jyly aiaqtalatyny belgili boldy. Osyǵan orai QR SIM men QSZI saraptama qoǵamdastyqpen birge syrtqy saiasattyń jańa tujyrymdamasyn jasaý mindetin qolǵa ala bastaǵan. Qujattyń mazmunyn sapaly tekseristen ótkizilgeni, al negizgi tarmaqtary jáne taraýlary basty álemdik jáne aimaqtyq trendterine sáikes bolýy tiis.
Biyl 25-jyldyǵy atap ótiletin Qazaqstan Respýblikasy diplomatiialyq qyzmetiniń nyǵaitýy men damýyna qosqan úlesi úshin D.Nazarbaevaǵa tiisti mereitoilyq medal tabys etildi.
Qoǵamdyq keńestiń QR SIM qyzmetiniń máseleleri jónindegi kezekti otyrysy 2018 jyldyń kókteminde ótedi.
