Qazaqstan halqy Assambleıasynyń «Júrekten júrekke» arnaıy jobasy aıasynda sý tasqynynan zardap shekken Soltústik Qazaqstan oblysy turǵyndaryna kómektesýde. Kezekti qaıyrymdylyq aksıasy aıasynda elordalyq Dostyq úıinen óńirge 25 mln teńge bolatyn 7 gýmanıtarlyq júk kóligi kelip jetti, – dep habarlaıdy Dalanews.kz.

Sý tasqynynan zardap shekken azamattar úshin aranaıy jetikizilgen 35 tonnaǵa jýyq gýmanıtarlyq kómek azyq-túlik, alǵashqy kezde qajetti zattardan quralǵan.

Gýmanıtarlyq kómekti QHA Tóraǵasynyń orynbasary – QHA respýblıkalyq shtabynyń basshysy Aqbarjon Ismaılov, respýblıkalyq shtabtyń ókili Aleksandr Ýrmashov, «Assambleıa jastary» eriktileri qarsy aldy.

Soltústik Qazaqstan oblysynyń turǵyndary Qazaqstan halqy Assambleıasynyń Tájik respýblıkalyq etnomádenı ortalyǵynyń kásipkerlerine qoldaý kórsetkenderi úshin alǵystaryn bildiredi.

QHA-nyń 12 myńǵa jýyq eriktileri jumyldyrylǵan jobaǵa qoldaý bildirgender kóp.

Jalpy, zardap shekken aımaqtarǵa 866,5 tonna azyq-túlik pen qajetti taýarlar jóneltilgen. Assambleıa músheleri kórsetken gýmanıtarlyq kómektiń jalpy somasy shamamen 565,3 mln teńgeni quraıdy.

Aıta keteıik, barlyq óńirlerde QHA Dostyq úıleriniń negizinde gýmanıtarlyq kómek jınaý pýnktteri jumys isteıdi, onda kez kelgen azamat kómekke óz úlesin qosa alady.