قازاقستان حالقى اسسامبلەياسىنىڭ «جۇرەكتەن جۇرەككە» ارنايى جوباسى اياسىندا سۋ تاسقىنىنان زارداپ شەككەن سولتۇستىك قازاقستان وبلىسى تۇرعىندارىنا كومەكتەسۋدە. كەزەكتى قايىرىمدىلىق اكسياسى اياسىندا ەلوردالىق دوستىق ۇيىنەن وڭىرگە 25 ملن تەڭگە بولاتىن 7 گۋمانيتارلىق جۇك كولىگى كەلىپ جەتتى، – دەپ حابارلايدى Dalanews.kz.
سۋ تاسقىنىنان زارداپ شەككەن ازاماتتار ءۇشىن ارانايى جەتىكىزىلگەن 35 تونناعا جۋىق گۋمانيتارلىق كومەك ازىق-تۇلىك، العاشقى كەزدە قاجەتتى زاتتاردان قۇرالعان.
گۋمانيتارلىق كومەكتى قحا ءتوراعاسىنىڭ ورىنباسارى – قحا رەسپۋبليكالىق شتابىنىڭ باسشىسى اقبارجون يسمايلوۆ، رەسپۋبليكالىق شتابتىڭ وكىلى الەكساندر ۋرماشوۆ، «اسسامبلەيا جاستارى» ەرىكتىلەرى قارسى الدى.
سولتۇستىك قازاقستان وبلىسىنىڭ تۇرعىندارى قازاقستان حالقى اسسامبلەياسىنىڭ تاجىك رەسپۋبليكالىق ەتنومادەني ورتالىعىنىڭ كاسىپكەرلەرىنە قولداۋ كورسەتكەندەرى ءۇشىن العىستارىن بىلدىرەدى.
قحا-نىڭ 12 مىڭعا جۋىق ەرىكتىلەرى جۇمىلدىرىلعان جوباعا قولداۋ بىلدىرگەندەر كوپ.
جالپى، زارداپ شەككەن ايماقتارعا 866،5 توننا ازىق-تۇلىك پەن قاجەتتى تاۋارلار جونەلتىلگەن. اسسامبلەيا مۇشەلەرى كورسەتكەن گۋمانيتارلىق كومەكتىڭ جالپى سوماسى شامامەن 565،3 ملن تەڭگەنى قۇرايدى.
ايتا كەتەيىك، بارلىق وڭىرلەردە قحا دوستىق ۇيلەرىنىڭ نەگىزىندە گۋمانيتارلىق كومەك جيناۋ پۋنكتتەرى جۇمىس ىستەيدى، وندا كەز كەلگەن ازامات كومەككە ءوز ۇلەسىن قوسا الادى.
