Astana qalasynda ótken Astana International Forum aıasynda Corporate Chess Cup 2025 shahmat týrnıri ótti. Bul týrnırdiń jeńimpazy ári korporasıalar arasyndaǵy shahmattan II álem chempıonatyna joldama ıegeri ERG (Eurasian Resources Group) komandasy boldy, – dep habarlaıdy Dalanews.kz
Ártúrli málimetterge sáıkes, búginde álemde 700 myńnan astam belsendi shahmat áýesqoıy bar. Al Halyqaralyq shahmat federasıasy (FIDE) shahmatty turaqty túrde oınaıtyn adam sanyn 1 mıllıarqa jetkizýdi óz maqsattarynyń biri retinde atap ótedi. Alaıda buqaralyq sıpat kóbinese shahmat federasıalary, klýbtary men týrnırlerine demeýshiler tarapynan kórsetiletin qarjylaı qoldaýǵa táýeldi. Osy sebepti 2024 jyldyń 14-17 maýsym aralyǵynda Nú-Iork qalasynda (AQSH) ótken korporasıalar arasyndaǵy shahmattan I álem chempıonatynyń (FIDE World Corporate Chess Championship) fınaldyq týrnıri úlken qyzyǵýshylyq týdyrdy.
2025 jyly bul týrnır ekinshi ret ótedi. Onda basqa da komandalarmen qatar Qazaqstannan irikteý kezeńinen ótken komanda da qatysady. İrikteý týrnıri retinde Corporate Chess Cup 2025 saıysy ótti. Bul jarysty Astana International Forum (AIF2025) halyqaralyq forýmy aıasynda KazChess/Qazaqstan shahmat federasıasy (QSHF) Freedom Holding Corp. jáne «Astana» Halyqaralyq qarjy ortalyǵynyń (AIFC) qoldaýymen uıymdastyrdy.
Jarys 29 mamyrda saǵat 14:30-da AIFC Saýda zalynda bastaldy. Sharanyń joǵary mártebesin KazChess/QSHF vıse-prezıdentteriniń qatysýy aıqyndady. Qurmetti qonaqtar qatarynda FIDE prezıdentiniń keńesshisi Berik Balǵabaev, Túrikmenstan shahmat federasıasynyń tóraǵasy Vepa Málıkgýlyev jáne PythonAnywhere bultty platformasynyń seriktesi, @GRADIA-nyń negizin qalaýshy jáne atqarýshy dırektory Konrad Ho boldy.
Týrnırdiń júlde qory da nazar aýdarýǵa turarlyq: jeńimpaz komandaǵa korporasıalar arasynda ótetin álem chempıonaty-2025 týrnırine (FIDE World Corporate Chess Championship 2025) qatysý quqyǵymen birge 1 mln teńge berildi. 2-oryn alǵan komanda – ₸650 000, al 3-oryn ıegeri – ₸350 000 ıelendi. Komanda oıynshylary medaldarmen jáne dıplomdarmen marapattaldy.
Bas tóreshi Asylhan Karaev jarystyń reglamentin qysqasha tanystyryp ótti. QR Memlekettik gımni men FIDE gımni oryndaldy. negizgi 4 oıynshy jáne qajet bolǵan jaǵdaıda 1 qosalqy oıynshydan quralǵan, 2000-nan aspaıtyn Elo reıtıńpen (klasıka, rapıd, blıs) 20 komanda 10+2 ýaqyt baqylaýymen (ár partıaǵa 10 mınýt jáne birinshi júristen bastap ár júriske 2 sekýnd) shveısar júıesi boıynsha 7 týr oınady.
Alǵashqy týrlardan-aq kósh basyna reıtıń boıynsha úzdikter shyqty: ERG (Eurasian Resources Group) (ortasha reıtıń – 1884), «Qazmedıa Ortalyǵy» (BK) JSHS (1732), NCOC (North Caspian Operating Company) (1565) jáne Freedom Holding Corp. (1483). 3-shi týrda, eki jeńisten keıin osy komandalar bir-birimen kezdesti: ERG – Freedom Holding Corp. jáne NCOC men «Qazmedıa Ortalyǵy». Birinshi jupta jeńimpaz aıqyndalmady – 2-2, al ekinshi jupta 3-1 esebimen «munaıshylar» jeńdi. Olar 6 komandalyq upaımen (jeńiske – 2 upaı, teń oıynǵa – 1 upaı, jeńiliske – 0 upaı berildi) týrnır kestesiniń kóshin jeke-dara bastady.
4-shi týrda NCOC taǵy bir negizgi qarsylasyn – Freedom Holding Corp.-ty 3–1 esebimen utty. Qorytyndy jeńiske úmitker boldy. Alaıda 5-shi týrda olar ERG komandasynan 1–3 esebimen jeńilip, kóshbasshylyqty «evrazıalyqtarǵa» berdi.
Jarys sońyna eki týr qalǵanda kóshbasshylar bylaısha ornalasty: ERG – 9 komandalyq upaı, NCOC pen «Qazmedıa Ortalyǵy» – 8, Freedom Holding Corp. jáne «Mycar Group» – 7. Jáne ERG qalǵan úshtikpen oınap qoıǵandyqtan, mynadaı suraq týyndady: «Qazmedıa Ortalyǵy» kóshbasshy komandany toqtata ala ma? Toqtata almady… ERG – «Qazmedıa Ortalyǵy» – 4–0. Tas-talqan etti! Sońǵy týrda «eýrazıalyqtarǵa» Kazakhmys Group qarsy turdy, biraq bul sensasıa jasaı alatyn qarsylas emes edi. Al 2½–1½ esebimen tirkelgen qarapaıym jeńis naqty núkte qoıdy.
Týrnırdiń qorytyndy nátıjeleri:
- ERG – 13 komandalyq upaı, 22½ jeke upaı;
- NCOC (North Caspian Operating Company) – 12, 21;
- Freedom Holding Corp. – 10, 18.
Birden alty (!) komanda 8 upaı jınady, sondyqtan olardyń úsheýi úshin tek jeke upaı ǵana emes, Býhgols koefısıenti de esepteldi:
4. Astana Hub – 8, 16½;
5. Allur – 8, 15;
6. «Qazmedıa Ortalyǵy BK» JSHS – 8, 14½, 122;
7. Prezıdent İs Basqarmasy Quramasy – 8, 14½, 108½;
8. QR Ulttyq Banki – 8, 14½, 99;
9. ForteBank – 8, 14.
Al álem chempıonatyna joldamany ERG (Eurasian Resources Group) komandasy jeńip aldy. Bul komandada taqta reti boıynsha motıvasıa jónindegi sarapshy Ádil Dosov, Dıdar Irmanov jabdyqtar men mashınalardy jóndeý sheberi, aýyspaly aýysymdaǵy elektr sheberi Baýbek Qojanıazov, óndiris prosesinde shıkizatty, jartylaı fabrıkattardy jáne daıyn ónimdi tasymaldaý boıynsha brıgadır (dál solaı!) Meırambek Aqbalın jáne bıznes-taldaýshy Dýman Ospanov óner kórsetti.
Aıta keterlik jaıt, «Forbs Qazaqstan» saıtynda 10 jyl buryn shyqqan, Hromtaýda grosmeıster, qazirgi áıelder quramasynyń bas bapkeri Pavel Kosýr bergen seans týraly maqalada Aqtóbe feroqorytpa zaýytynyń balqytýshysy Meırambek Aqbalın men sol zaýyttyń elektr sheberi Baýbek Qojanıazovtyń esimderi atalady.
Al Freedom Holding Corp. quramynda eki týrda onyń negizgi aksıoneri jáne bas atqarýshy dırektory (CEO), sondaı-aq KazChess/QSHF prezıdenti Tımýr Týrlov oınady.
