QR Energetika ministrligi men Qazaqstan Elektroenergetikalyq Qaýymdastyǵy (QEQ) uiymdastyrǵan kómir generatsiiasyn damytý máselelerine arnalǵan dóńgelek ústelde kásipker Sergei Kan kómir energetikasyn uzaq merzimdi dekarbonizatsiialaý strategiiasyn tanystyrdy. Kásipker kómirtegin ustaý jáne saqtaý (CCS) tehnologiialaryn engizý boiynsha júrgizilgen zertteýler týraly aityp berdi, dep habarlaidy Dalanews.kz.
Ortalyq-Aziia Elektroenergetikalyq Korporatsiiasynyń aktsioneri ekologiialyq transformatsiianyń strategiialyq mańyzdylyǵyn atap ótti.
«Eldiń ekologiia salasyndaǵy halyqaralyq kelisimder boiynsha jaýapkershiligi bar, sondyqtan biz alǵa qarai qaraýymyz kerek. Aldyńǵy jyly biz Qazaqstan munai jáne gaz institýty, Ortalyq-Aziia Elektroenergetikalyq Korporatsiiasy jáne jer qoinaýyn zerdeleýge múmkindigi bar Schlumberger kompaniiasynyń qatysýymen zertteý uiymdastyrdyq. Ertis mańy basseinin zertteý barysynda biz dál osy gazdy kómýge arnalǵan birneshe rezervýar taptyq. Zertteýdiń bastapqy kezeńi júrgizilip, barlyq nátijeler qujat túrinde bekitildi. Menińshe, bolashaqta bul tehnologiia shyǵaryndylardy azaitýdyń jáne halyqaralyq deńgeide bergen mindettemelerimizdi oryndaýdyń negizgi quraly bolady – biz bul tehnologiiasyz alǵa jylji almaimyz. Eger qazir bastasaq, 2035 jylǵa qarai jobany tolyq engize alamyz», - dedi ol.
Jobanyń ózektiligi kómir generatsiiasyn arttyrý josparlaryna bailanysty: 2035 jylǵa qarai stantsiialardyń belgilengen qýaty 21,2 GVt-qa deiin artýy tiis, bul jyl saiyn qosymsha 20–30 mln tonna CO₂ shyǵaryndysyna ákep soǵady. CCS tehnologiiasy tútin gazdarynan kómirqyshqyl gazyn bólip alyp, ony 800 metrden astam tereńdiktegi jer asty qabattaryna merzimsiz oqshaýlaý úshin aidaýǵa múmkindik beredi.
QR Energetika ministri Erlan Aqkenjenov salanyń uzaq merzimdi dekarbonizatsiialaý strategiiasyn Ulttyq jobaǵa engizý týraly usynylǵan ideiaǵa qatysty pikir bildirdi.
«Bizge CO₂ gazyn topyraqqa ári qarai aidaýdyń geologiialyq múmkindikterin joǵary dáldikpen anyqtap alýymyz kerek», – dep atap ótti ministr.
Jobany iske asyrýdyń negizgi poligony retinde Pavlodar oblysyndaǵy syiymdylyǵy 12 mlrd tonna bolatyn jáne iri emitentterge jaqyn ornalasqan Ertis mańy basseini usynyldy. Jol kartasyna sáikes, 2026 jyly ǴZTKJ (ǵylymi-zertteý jáne tájiribelik-konstrýktorlyq jumystar) aiaqtalyp, 2029–2033 jyldary qurylys kezeńi ótkennen keiin kómirtegin óndiristik aidaýdyń birinshi kezegi 2035 jylǵa qarai iske qosylýy múmkin.
