ق ر ەنەرگەتيكا مينيسترلىگى مەن قازاقستان ەلەكتروەنەرگەتيكالىق قاۋىمداستىعى (قەق) ۇيىمداستىرعان كومىر گەنەراسياسىن دامىتۋ ماسەلەلەرىنە ارنالعان دوڭگەلەك ۇستەلدە كاسىپكەر سەرگەي كان كومىر ەنەرگەتيكاسىن ۇزاق مەرزىمدى دەكاربونيزاسيالاۋ ستراتەگياسىن تانىستىردى. كاسىپكەر كومىرتەگىن ۇستاۋ جانە ساقتاۋ (CCS) تەحنولوگيالارىن ەنگىزۋ بويىنشا جۇرگىزىلگەن زەرتتەۋلەر تۋرالى ايتىپ بەردى، دەپ حابارلايدى Dalanews.kz.
ورتالىق-ازيا ەلەكتروەنەرگەتيكالىق كورپوراسياسىنىڭ اكسيونەرى ەكولوگيالىق ترانسفورماسيانىڭ ستراتەگيالىق ماڭىزدىلىعىن اتاپ ءوتتى.
«ەلدىڭ ەكولوگيا سالاسىنداعى حالىقارالىق كەلىسىمدەر بويىنشا جاۋاپكەرشىلىگى بار، سوندىقتان ءبىز العا قاراي قاراۋىمىز كەرەك. الدىڭعى جىلى ءبىز قازاقستان مۇناي جانە گاز ينستيتۋتى، ورتالىق-ازيا ەلەكتروەنەرگەتيكالىق كورپوراسياسى جانە جەر قويناۋىن زەردەلەۋگە مۇمكىندىگى بار Schlumberger كومپانياسىنىڭ قاتىسۋىمەن زەرتتەۋ ۇيىمداستىردىق. ەرتىس ماڭى باسسەينىن زەرتتەۋ بارىسىندا ءبىز ءدال وسى گازدى كومۋگە ارنالعان بىرنەشە رەزەرۆۋار تاپتىق. زەرتتەۋدىڭ باستاپقى كەزەڭى جۇرگىزىلىپ، بارلىق ناتيجەلەر قۇجات تۇرىندە بەكىتىلدى. مەنىڭشە، بولاشاقتا بۇل تەحنولوگيا شىعارىندىلاردى ازايتۋدىڭ جانە حالىقارالىق دەڭگەيدە بەرگەن مىندەتتەمەلەرىمىزدى ورىنداۋدىڭ نەگىزگى قۇرالى بولادى – ءبىز بۇل تەحنولوگياسىز العا جىلجي المايمىز. ەگەر ءقازىر باستاساق، 2035 جىلعا قاراي جوبانى تولىق ەنگىزە الامىز»، - دەدى ول.
جوبانىڭ وزەكتىلىگى كومىر گەنەراسياسىن ارتتىرۋ جوسپارلارىنا بايلانىستى: 2035 جىلعا قاراي ستانسيالاردىڭ بەلگىلەنگەن قۋاتى 21،2 گۆت-قا دەيىن ارتۋى ءتيىس، بۇل جىل سايىن قوسىمشا 20–30 ملن توننا CO₂ شىعارىندىسىنا اكەپ سوعادى. CCS تەحنولوگياسى ءتۇتىن گازدارىنان كومىرقىشقىل گازىن ءبولىپ الىپ، ونى 800 مەتردەن استام تەرەڭدىكتەگى جەر استى قاباتتارىنا مەرزىمسىز وقشاۋلاۋ ءۇشىن ايداۋعا مۇمكىندىك بەرەدى.
ق ر ەنەرگەتيكا ءمينيسترى ەرلان اقكەنجەنوۆ سالانىڭ ۇزاق مەرزىمدى دەكاربونيزاسيالاۋ ستراتەگياسىن ۇلتتىق جوباعا ەنگىزۋ تۋرالى ۇسىنىلعان يدەياعا قاتىستى پىكىر ءبىلدىردى.
«بىزگە CO₂ گازىن توپىراققا ءارى قاراي ايداۋدىڭ گەولوگيالىق مۇمكىندىكتەرىن جوعارى دالدىكپەن انىقتاپ الۋىمىز كەرەك»، – دەپ اتاپ ءوتتى مينيستر.
جوبانى ىسكە اسىرۋدىڭ نەگىزگى پوليگونى رەتىندە پاۆلودار وبلىسىنداعى سىيىمدىلىعى 12 ملرد توننا بولاتىن جانە ءىرى ەميتەنتتەرگە جاقىن ورنالاسقان ەرتىس ماڭى باسسەينى ۇسىنىلدى. جول كارتاسىنا سايكەس، 2026 جىلى عزتكج (عىلىمي-زەرتتەۋ جانە تاجىريبەلىك-كونسترۋكتورلىق جۇمىستار) اياقتالىپ، 2029–2033 جىلدارى قۇرىلىس كەزەڭى وتكەننەن كەيىن كومىرتەگىن وندىرىستىك ايداۋدىڭ ءبىرىنشى كەزەگى 2035 جىلعا قاراي ىسكە قوسىلۋى مۇمكىن.
