Chernobyl apatyn zalalsyzdandyrýǵa qatysýshylarǵa arnalǵan eskertkish ashyldy
Biyl Chernobyl atom elektr stantsiiasyndaǵy apattyń oryn alǵanyna 32 jyl tolyp otyr. Dúnie júzindegi atom energetikasy tarihyndaǵy eń iri jarylystyń zardabyn joiýǵa 800 myńdai adam qatyssa, onyń 32 myńy qazaqstandyq edi.
HH ǵasyrdaǵy eń aýyr tehnogendik apatty aýyzdyqtaýǵa Jambyl oblysynan 1200 jerlesimiz qatysty. Olar óz densaýlyǵy men ómirin qurban ete otyryp, radiatsiianyń taralýyna jol bermeýge at salysty. Beibit kúndegi erlerimizdiń eren erlikteri men ónegeli isteri búgingi jas urpaqqa úlken ónege. Ótkendi umytpaý – olarǵa qurmet kórsetý óskelen urpaqtyń paryzy.
Chernobyl atom elektr stantsiiasyndaǵy apatty zalalsyzdandyrýǵa qatysýshylarǵa arnalǵan eskertkishti ashýǵa Qazaqstan Respýblikasy Chernobl ardagerleri jáne múgedekteri qoǵamdyq birlestikteriniń úilestirý keńesi filialynyń tóraǵasy Baqytjan Áshirbaev jáne Jambyl oblystyq Chernobl odaǵy qoǵamdyq birlestiginiń múshesi Vladimir Horoshin shaqyryldy.
08 INFO
