Áli Áliev – Qazaqstan quramasy bas bapkeriniń mindetin atqarýshy bolyp taǵaiyndaldy. Buǵan deiin bul qyzmette Stanislav Cherchesov bolǵan, dep habarlaidy Dalanews.kz.
Áli Áliev 1980 jyly 27 qazanda Almaty qalasynda dúniege kelgen. Fýtbolshy mansabynda «TsSKA-Qairat», «Qairat», «Ertis», «Tobyl», «Shyǵys», «Ordabasy» jáne «Qyzyljar» klýbtarynda oinady. Sondai-aq Túrkiianyń «Akchaabat Sebatspor», «Kaiseri Erdjiespor», «Kartalspor» jáne «Diarbakyrspor» komandalarynda óner kórsetken.
1999 jyly Qazaqstan jastar quramasy sapynda Nigeriiada ótken jastar arasyndaǵy álem chempionatyna qatysty. Ulttyq qurama sapynda alǵashqy matchyn 2002 jyly Estoniiaǵa qarsy ótkizdi.
Bapkerlik mansabyn 2014 jyly «Ordabasy» sapynda oiynshy ári bapker retinde bastady. 2018 jyly fýtbolshy mansabyn aiaqtaǵan soń Petropavldyń «Qyzyljar» klýbynyń tizginin ustap, Premer-ligaǵa shyǵardy.
2021 jyly Áliev Qaraǵandynyń «Shahter» klýbynda bas bapker bolyp jumys istep, keiin «Astana» FK jastar komandasyn basqardy.
2022 jyly «Jeńis» komandasyn jattyqtyryp, sodan keiin qaitadan «Qyzyljarǵa» oraldy. Áli Álievtiń jetekshiligimen petropavldyq klýb ÝEFA Konferentsiia ligasy irikteý kezeńiniń úshinshi ainalymyna deiin jetti.
