TikTok áleýmettik jelisiniń qoldanýshysy reseilik Pizza Roni pitstsa ortalyǵynyń áreketine shúilikti, dep habarlaidy Dalanews.kz.
Mmagza esimdi jeli qoldanýshysynyń aitýynsha, pitstsa ortalyǵynda esepshotty eki valiýtada eseptep ákelgen. Biri - teńge, biri - rýbl. Muny kórgen ol ashýǵa býlyqqanyn jetkizdi.
“Reseilikter ózge elde shekten shyǵýdy qashan qoiady? Qazir ǵana Pizza Roni-dan shyqtym. Bul - reseilik franshiza. Tamaqtanyp bolǵan soń, maǵan chek ákelip berdi. Chektegi soma teńgemen jáne rýblmen kórsetilip tur. Bul ne degen batpanquiryq? Biz ulttyq valiýtamyz bar táýelsiz memleketpiz. Qazaqstanda tek osy valiýtany qoldanamyz. Nege esepshotty eki valiýtada ákeledi? Men buǵan túbegeili qarsymyn. Óitkeni bizdiń elde bir valiýta bar. Bul - teńge. Olardyń rýblin qoldanbaimyz”, - deidi ol.
Atalmysh videonyń astyna áleýmettik jeli qoldanýshylary da birjaqty pikir qaldyrǵan. Biri bul ortalyqqa baikot jariialaýdy usynsa, endi biri zań turǵysynan jaýapkershilikke tartýdy suraidy.
“2Gis qosymshasynan bulardyń reitińin túsireiik. Qaida turyp jatqandaryn bilsin, shovinister”, “Nege rýbl?! Sonda orystarǵa arzan shyǵa ma? Osy qazaqtardy qashanǵy mal sanaidy eken orystar, sóz joq”, “Tipti chekti orys tilinde ákelgen, olar zańdy buzyp tur” degen pikirler jazylǵan.
