Chaplinniń «Oskary» qoldy boldy
«Oskar» syilyǵynan Chaplinniń 80 myń dollarǵa baǵalanǵan qalamy da qoldy bolǵany málim bolyp otyr. Quqyq qorǵaý organdary qyzmetkerleri ury bul iske uzaq ýaqyt daiyndalǵynyn alǵa tartty. Óitkeni ury Chaplinniń zattarynan basqa zattarǵa tiispegen. Qazirgi tańda tergeý jumystary júrip jatyr.
Charli Chaplin ómirinde «Oskar» syilyǵyn eki ret, iaǵni, 1929 jáne 1972 jyldary qanjyǵasyna bailaǵany belgili. Eki syilyq ta oǵan kinomatografiia salasyna sińrgen eńbegi úshin berilgen-di. Ol ómirinde júzden astam film túsirip, kino salasynyń damýyna erekshe úles qosqan maman.
