«Calaýatty tamaqtaný mektebi» jobasyna – 10 jyl
Qazaq taǵamtaný akademiiasy men densaýlyq saqtaý salasynyń ǵalymdary jasaǵan saraptamalarǵa júginsek, búldirshinder arasynda semizdikke boi aldyrý, asqazan aýrýy, dene músheleriniń durys qalyptaspaýy beleń alýda. Bul árine durys tamaqtaný mádenietiniń tómendigin ańǵartady.
Balalardyń densaýlyǵyna qatysty osyndai keleńsizdikterdiń aldyn alý maqsatynda Almaty qalasy bilim basqarmasy QBBJTO, Qazaq taǵamtaný akademiiasy jáne «Nestle fýd Qazaqstan» JShS birlesip bastaýysh synyp oqýshylary úshin «Salaýatty tamaqtaný mektebi» jobasyn engizdi. Biyl aitýly jobaǵa 10 jyl bolady.
Osy ýaqyt aralyǵynda joba boiynsha Almaty qalalyq Bilim basqarmasynyń bilim berý uiymdarynda aýqymdy jumystar jasalyp, qomaqty nátijelerge qol jetkizildi. Atap aitsaq, Almatynyń 30-ǵa jýyq mektebiniń bastaýysh synyptarynda eksperimenttik alańdar jumys jasaidy.
Almatylyq ustazdar: «№ 78 mektep-gimnaziia» KMM direktorynyń orynbasary Rozbakieva Gýlmira Kaharmanovna jáne bastaýysh synyp pedagogteri Handogina Alla Vasilevnanyń avtorlyǵymen oqý baǵdarlamasy ázirlendi.
Jyl saiyn Almaty qalalyq bilim basqarmasy QBBJTǴÁO qoldaýymen «Salaýatty tamaqtaný mektebi» jobasyn júzege asyrý sheńberinde otandyq jáne sheteldik arnaiy mamandarmen onlain kezdesýler, tájiribe almasý seminarlary, treningter, qalalyq, respýblikalyq, halyqaralyq deńgeide festival, konkýrstar uiymdastyrylady. «Salaýatty tamaqtaný mektebi» jobasyna qala mektepteri men birge ata-analar da qyzyǵýshylyq tanytyp, qoldaý kórsetýde.
Mine, búgin biz aitýly joba sheńberinde uiymdastyrylǵan is-sharalar men konkýrstarǵa qatysyp, birneshe ret júldeli oryndy ielengen № 27 gimnaziiaǵa kelip, bastaýysh synyp muǵalimderi: Deriganova Svetlana Mihailovna, Gorlenko Elena Alekseevna, Karieva Andjela Býlatovnanyń «Salaýatty tamaqtaný mektebi» sabaǵyna qatysýǵa múmkindik aldyq. Sabaq barysynda oqýshylardyń durys tamaqtaný týraly túsinikteri men qyzyqty pikirleriniń kýási boldyq. Balalardyń durys tamaqtaný mádenietiniń damýy jobanyń júzege asýynyń aiqyn dáleli ispetti.
Oqýshylardyń boiynda salaýatty ómir saltyn ustaný qajettiligin qalyptastyrý, óz densaýlyǵyn saqtaýǵa degen yntasyn arttyrýdy kózdeitin jobanyń 10 jyldyǵyna orai «Nestle Fýd Qazaqstan» JShS jáne Almaty qalasy Bilim basqarmasynyń QBBJTǴÁO «Salaýatty tamaqtaný mektebi» baǵdarlamasy sheńberinde ádistemelik baiqaý jariialady.
Sizderdi «Salaýatty tamaqtaný mektebi» jobasynyń 10 jylǵyna arnalǵan baiqaýǵa qatysýǵa shaqyramyz!
Almaty qalasy Bilim basqarmasynyń
QBBJTǴÁ ortalyǵy
