Bul týraly Sputnik Qazaqstan agenttigi habarlady.
Keshe QR Bilim jáne ǵylym ministriniń buiryǵymen joǵary jáne odan keiingi oqý oryndaryndaǵy mamandyqtar tiziminen «Qazaq tili», «Qazaq ədebieti», «Qazaq tarihy», «Lingvistika», «Shyǵystaný» siiaqty mamandyqtar alynyp tastalyndy degen aqparat tarady. Bilim jáne ǵylym ministrligi «Qazaqstan Respýblikasyndaǵy joǵarǵy jáne joǵarǵydan keiingi bilim berý mamandyqtarynyń klassifikatory» degen qujatynyń jańa nusqasyn biylǵy 1-aqpannan bastap qoldanysqa engizdi.
Atalǵan qujattyń «Bakalavriat mamandyqtary» degen bóliminde qazaq tili jáne qazaq ádebieti mamandyǵy atymen joq. Onyń ornyna «Muǵalimderdi tilder men ádebiet boiynsha daiarlaý» (Podgotovka ýchitelei po iazykam i literatýre) dep jazylǵan.
Saǵadiev jetekshilik etken ministrlik qazaq ultyn, tilin joiýǵa baǵyttalǵan bastamasyna narazylyq bildirgen elimizdiń bir top ǵalymy Marat Tájin, Gúlshara Ábdiqalyqova men Baqytjan Saǵyntaevtyń atyna hat joldaǵan bolatyn.
«Budan zerdesiz jańalyq men estigen joqpyn. Kez kelgen mundai sheshimderdiń kúshi joiylady. Alańdamańyzdar. Arandatýǵa ermeńizder. Bul múmkin emes. Ol bolmaidy»
, — dedi búgin Erlan Saǵadiev parlamentte jýrnalisterge.
Ministr bul buiryq týraly estimegenin aitty.
«Túrli alyp qashpa áńgime bolady. Ministrlik barlyǵyn ashyq isteidi. Eń aldymen ár buiryǵymyzdy pedagogikalyq qoǵammen, muǵalimdermen, ata analarmen talqylap, sosyn bir sheshimge kelemiz. Sizder aityp otyrǵan máseleni men estigen emespin» — dedi Erlan Saǵadiev.
