Assyltas qoǵamdyq qory «ASSYLTAS BUSINESS HELP» jobasyna ótinimderdi qabyldaý merzimin 1 shildege deiin uzartady.
Esterińizge sala keteiik, atalmysh joba aiasynda 21-35 jas aralyǵyndaǵy jas biznesmender konkýrs negizinde 3 jyl ýaqytqa deiin jáne 5 million teńgege deiingi somaǵa qaitarymdy grant ala alady.
Baiqaýǵa qatysý úshin assyltas.kz saityndaǵy anketany toltyryp, biznesińiz týraly qazaq tilinde 1-3 minýttyq video túsirip, biznes-jospar jasaý kerek. Jeke basty kýálandyratyn qujatpen birge barlyq qujattardy assyltasfoundation@gmail.com poshtasyna bir hatpen jiberý kerek. Biznes-jospardyń jobasy tek qazaq tilinde qabyldanady.
Baiqaýǵa kez kelgen túrdegi shaǵyn biznes ókilderi qatysa alady, alaida jeńimpazdardy tańdaý kezinde kreativti jáne áleýmettik mańyzy bar jobalarǵa basymdyq beriledi. Olardyń qataryna salaýatty ómir saltyn nasihattaý, óndiristi uiymdastyrý jáne mobildi qosymshalar jasaý, sondai-aq qazaq tili men ulttyq ónerdi damytý jobalary kiredi.
«Asyltas Business Help» kompaniiasynyń qaitarymdy granty – bul jyldyq mólsherlemesi 0,01% bolatyn, iaǵni paiyzsyz shaǵyn nesie deýge bolady. Konkýrs quryltaishylaryna zań boiynsha paiyzsyz nesie berýge tyiym salynǵandyqtan, olar shaǵyn nesie boiynsha kórsetilgen eń tómengi syiaqyny belgileýge májbúr.
Tolyq aqparat alý úshin 7788 nómirine qońyraý shalyńyz nemese 8 747 721 65 10 nómirine WhatsApp-qa jazyńyz.
