بيزنەسىڭىزدى قولداۋ ءۇشىن 5 ميلليون تەڭگە جەڭىپ الىڭىز

Dalanews 30 مام. 2024 11:30 1536

Assyltas قوعامدىق قورى «ASSYLTAS BUSINESS HELP» جوباسىنا وتىنىمدەردى قابىلداۋ مەرزىمىن 1 شىلدەگە دەيىن ۇزارتادى.

ەستەرىڭىزگە سالا كەتەيىك، اتالمىش جوبا اياسىندا 21-35 جاس ارالىعىنداعى جاس بيزنەسمەندەر كونكۋرس نەگىزىندە 3 جىل ۋاقىتقا دەيىن جانە 5 ميلليون تەڭگەگە دەيىنگى سوماعا قايتارىمدى گرانت الا الادى.

بايقاۋعا قاتىسۋ ءۇشىن assyltas.kz سايتىنداعى انكەتانى تولتىرىپ، بيزنەسىڭىز تۋرالى قازاق تىلىندە 1-3 مينۋتتىق ۆيدەو ءتۇسىرىپ، بيزنەس-جوسپار جاساۋ كەرەك. جەكە باستى كۋالاندىراتىن قۇجاتپەن بىرگە بارلىق قۇجاتتاردى assyltasfoundation@gmail.com پوشتاسىنا ءبىر حاتپەن جىبەرۋ كەرەك. بيزنەس-جوسپاردىڭ جوباسى تەك قازاق تىلىندە قابىلدانادى.

بايقاۋعا كەز كەلگەن تۇردەگى شاعىن بيزنەس وكىلدەرى قاتىسا الادى، الايدا جەڭىمپازداردى تاڭداۋ كەزىندە كرەاتيۆتى جانە الەۋمەتتىك ماڭىزى بار جوبالارعا باسىمدىق بەرىلەدى. ولاردىڭ قاتارىنا سالاۋاتتى ءومىر سالتىن ناسيحاتتاۋ، ءوندىرىستى ۇيىمداستىرۋ جانە ءموبيلدى قوسىمشالار جاساۋ، سونداي-اق قازاق ءتىلى مەن ۇلتتىق ونەردى دامىتۋ جوبالارى كىرەدى.

«Asyltas Business Help» كومپانياسىنىڭ قايتارىمدى گرانتى – بۇل جىلدىق مولشەرلەمەسى 0،01% بولاتىن، ياعني پايىزسىز شاعىن نەسيە دەۋگە بولادى. كونكۋرس قۇرىلتايشىلارىنا زاڭ بويىنشا پايىزسىز نەسيە بەرۋگە تىيىم سالىنعاندىقتان، ولار شاعىن نەسيە بويىنشا كورسەتىلگەن ەڭ تومەنگى سىياقىنى بەلگىلەۋگە ءماجبۇر.

تولىق اقپارات الۋ ءۇشىن 7788 نومىرىنە قوڭىراۋ شالىڭىز نەمەسە 8 747 721 65 10 نومىرىنە WhatsApp-قا جازىڭىز.


ۇسىنىلعان
سوڭعى جاڭالىقتار