Búgin Túrkistan oblysy ákimdigi janyndaǵy sybailas jemqorlyqqa qarsy is-qimyl máseleleri jónindegi komissiianyń kezekti otyrysy ótti. Oǵan Túrkistan oblysynyń ákimi Darhan Satybaldy, QR Sybailas jemqorlyqqa qarsy is-qimyl agenttiginiń Túrkistan oblysy boiynsha departamentiniń basshysy Murat Tóleýbaev, quqyq qorǵaý organdary men basqarmalarynyń basshylary men aýdan,qalalardyń ákimderi qatysty. Kún tártibinde úsh másele qaraldy.
Aldymen jumyspen qamtý jáne áleýmettik baǵdarlamalar salasyndaǵy sybailas jemqorlyq táýekelderine júrgizilgen syrtqy taldaý qorytyndylary týraly QR Sybailas jemqorlyqqa qarsy is-qimyl agenttiginiń oblystyq departamentiniń Preventsiia basqarmasynyń basshysy Nurlan Qudaibergenov pen oblystyń jumyspen qamtýdy úilestirý jáne áleýmettik baǵdarlamalar basqarmasynyń basshysy Ásiia Temirbaevanyń baiandamalary tyńdaldy.
Syrtqy taldaý qorytyndylary boiynsha sýbsidiialanatyn jumys oryndaryna qarajattyń tiimsiz jumsalý faktileri, ataýly áleýmettik kómek boiynsha negizsiz tólemderdi aýdarý, jeke kómekshilerdiń qyzmetterin usyný kezinde, ońaltýdyń tehnikalyq quraldaryn jetkizý kezinde sybailas jemqorlyq táýekelderi anyqtalǵany, sondai-aq olardy joiý jóninde tiisti usynymdar engizilgeni baiandaldy.
Oblys ákimi sybailas jemqorlyqqa qarsy kúrestiń mańyzyna toqtaldy.
– Osy saladaǵy barlyq kemshilikterdi joiýdy tapsyramyn. Biz bilim berý salasyn muqiiat zerttep, qarjylyq buzýshylyqtardy anyqtadyq. Endi jaýapty quqyq qorǵaý organdarymen birge áleýmettik salanyń barlyq mekemelerine tekserý júrgizilýde. Barlyq salalarda qarjylyq jaǵdaiǵa monitoring júrgiziledi. Memleket biýdjetiniń árbir tiyny tiimdi bolýy jáne óz maqsattary úshin, el múddesi úshin jumsalýy tiis. Zańsyzdyqqa jol berilmeidi. Basqarmalardyń basshylary, aýdandar men qalalardyń ákimderi sybailas jemqorlyqqa qarsy is-qimyl jónindegi jumysty jandandyryp, baqylaýdy kúsheitý qajet. Biz bul máseleni únemi qadaǵalap, tiisti jumysty jalǵastyramyz, – dedi Darhan Satybaldy.
Kún tártibindegi ekinshi másele – oblystaǵy «saqaldy» qurylys nysandary qurylysyna qatysty jaýapty tulǵalarǵa Ordabasy aýdanyndaǵy mektepter men Tólebi aýdanyndaǵy kópir salý máselesin aiaqtaý jáne retteý boiynsha tapsyrmalar berildi.
Sonymen qatar otyrysta №4 «Sybailas jemqorlyqtyń aldyn alý jáne oǵan qarsy is-qimyl» úlgilik bazalyq baǵytyn iske asyrý barysy qaraldy.
QR Sybailas jemqorlyqqa qarsy is-qimyl agenttiginiń Túrkistan oblysy boiynsha departamentiniń basshysy Murat Tóleýbaev memlekettik, biýdjettik jáne kvazimemlekettik mekemelerde sybailas jemqorlyq táýekelderin joiý boiynsha birlesken jumysty odan ári jalǵastyrý qajet ekenin, bul másele turaqty baqylaýda turǵanyn atap ótti.
Májilis qorytyndysy boiynsha oblys ákimi Darhan Satybaldy men komissiia músheleri tarapynan jaýapty basshylarǵa, aýdandar men qalalardyń ákimderine tiisti tapsyrmalar berildi.
